[منصور الحري]

بسم الله الرحمن الرحيم
إليكم اخواني هذة القصيدة لشاعر الوجد الأول/ سويلم العلي الناصر السهلي -رحمه الله- وهي من أفضل القصائد التي سمعتها في حياتي

اتمنى تنال إستحسانكم...

قـفــن بـنــا شـيــب الـغــوارب مـزالـيـف=عــــن دار مـجـلــي الـثـمــان الـرهــافــي
قـفــوا علـيـهـن يـزعـجـون الـغـطـاريـف=وأنـــا أتـعـجــب كــــن مــابــي خــلافــي
وأنــــا خــلافــي لاجــــي بالـسـراجـيـف=بـأسـبــاب مـجـمــول تـخـلــف خــلافـــي
يامـا زمـى مــن دونـهـم مــن حجـاريـف=بـيــدا صـحـاصـيـح شــعــاف ومـهـافــي
بيـنـي وبـيـنـه يـهــرف الـذيــب ويـقـيـف=ويزعـج ثـلاث أصـوات عقـب الهـرافـي
مـــن الـبـعــد بــذنــه ســهــال هـفـاهـيـف=وحيفـانـة منـهـا أصـبــح الـذيــب حـافــي
علمـي بهـم بالصيـف والـيـوم بالصـيـف=هـــــذا شـهــرنــا الــعـــام يالله تــكــافــي
يالله تـكـافــي شــيــن فــرقــا الـمـوالـيـف=وأيـضـا دخيـلـك عـــن سـلــوم أمتـعـافـي
مـتـعـافـي مــاذكــر خــــوف ولاخــيــف=دبــــوج مــمــا تـنـقــل الــكــرش وافــــي
دبــوج كـنـه ثــور هـــور عـلــى سـيــف=هـبـره كـثـيـر وجـوهــر الـعـقـل طـافــي
يـبـي الـهـوى لاشــك مـافـيـه تـصـريـف=بــاب الـهـوى مــن دون هـــنّ أمتـجـافـي
ومـغـلـق مــجــراه مــاهــوب تـطـريــف=لاشـــــك ذا مــاهـــوب يـنــفــاه نـــافـــي
خبـل يحسـب الـولـف خــرط وسوالـيـف=وتـلـحـلــح مـابــيــن ســـمـــر الــغــدافــي
هـو مـادرى أنـه يشعـف القلـب تشعـيـف=تشعيف خيل القوم حم الشعافي
مـاولـعــنــه نــاقــضــات الأطـــاريــــف=نـجــل الـعـيــون مـقـرمــزات الأشــافــي
أسـتـفـهـمــن يــالابــســات الـمـشـانـيــف=قــولــن تــوذلـــف وآعــطـــاه الــذلافـــي
قولـن تـوذلـف لـعـن أبــو هالغضـاريـف=لاتـسـتــحــن يـانـاظــمــات الــرعــافـــي
تـرى الحيـا مـن جنـس حــر المشـاريـف=صـيــده سـمــان ولايـصـيـد الـضـعـافـي
هــذاك أبــا أثـنـي لــه ولابــي تحاسـيـف=يسـتـاهـل الــجــوداء شــجــاع أسـنـافــي
عــديـــت لـــــولاح تـعــلــى مـيـاهــيــف=شـوحــات عـســرات الـمـراقـي طـفـافـي
مـدهـال طـفـقـات الـشــروق المـحـاذيـف=لــهـــا بـلـطـفــات الــمـــذاري مـــرافـــي
وقعـدت أشيـل الصـوت فـي عـال القيـف=والـقـيــل يــرجــس بـالـفــواد أمـتــلافــي
وأهـــل دمـــع مـــن نـظـيـري ذواريـــف=تـالـيـه غــثــرب وأول الــدمــع صــافــي
أقــــول وآخــلــي عــديـــم الـتـواصـيــف=عـلــيــه جــرحـــي مـايـرافـيــه رافــــــي
وحولـت مـن رأس النبـا العـالـي أمعـيـف=مـاشـفـت فـــي رأس المـهـايـف عـوافــي
هـــذا كــلامــي حــيــن قــفــن زوالــيــف=عــــن دار مـجـلــي الـثـمــان الـرهــافــي

وسلامتكم