[منصور الحري]

اللي مهيضني من الترك سيرة=يشدون كتفان من القاع ساير ..
الروم جونا من شمال بصوله=من كثرهم ضاعت جميع الفكاير ..
تنحرو من روس غلبا قبيلة=عوامر تسي العدو المراير ..
عوامر ياسعد من هم لابته=لادبرن ذولي وذولي نحاير ..
عوامر درعان الارماح في اللقا=لامن غدا فالهوش عاذل وشاير ..
لاكن سيرات الدبا في جموعهم=وأقفن من ضرب العوامر كساير .
أمدح محمد العماني ولا استحي=جواده يعرضها لهيب العساير ..
مرن يضربهم بلدنن من القـنا=ومرن بمصقولن يقص الفــقاير ..
ولاكن وعلان العذيبي وسطهم=حر ثعا في وسط جول العشاير ..
وقلط ابن سمران بخضرا طويله=ضرب باشتهم ثم راحو كساير ..
خلا زعيم الروم يلعن مشيره=في معتلكهن واشهب الملح ثاير ..
من البدع لا باب الثميري كسيره=الى باب منفوحه بها الكسب خاير ..
والكسب منهم كل قبن طلايع=ورخم السيوف ونازعات الذخاير ..
وتعرض شرايدهم حناقا بني عمر=عيد على العرجاء الى الحول داير ..
وذبحنا زعيم القوم ابن ناصر=شيخ على موته نسوق البشاير ..
ضربه ابن شبيب بيمنى شطيره=يمنى لا مست عليها الجباير ..
هذي فعايلنا وهذي سواتنا=نطلابها كبد العدو المزاير ..

ياسلام.. ياسلام.. الله لايهينك أخوي
وقائع وتاريخ حافل
شكراً جزيلاً