[منصور الحري]

المشاركة الأصلية كتبت بواسطة أبوعبدالله

هذه شيله للشاعر ابو بدر( فيصل الرياحي)

يا مزنه هلت مدامعها بلا برق ورعد=واشاشبت منها الفايض ولبست الوان الزهور
لابكر الوسمي لنا فيها مع الطيب وعد=تضحك لنا القمرى وتغمرنا السعاده والغمور
نبعد عن الروتين والضوضاء وعمران البلد=ما نسمع الاهمسه النسمه وتسبيح الطيور
اليا بغيت اخرج من اهمومي وبددها بدد=خرجت عن صوت الشوارع وختناقات المرور
مع ديره ممطوره فيها نضر عيني جرد= وجلست في روض يغني نبتها الوبل الطهور
ما فوقي الا القبه اللي رفعت ابليا عمد=تشكلت فيها نجوم الليل تعطي الارض نور
الوقت ما ترحمني همومه وحبله ممسد= وحاول اقفز فوق الانفاق الكئيبه والجسور
انا بدوي قلبي اقسى من حصى شمرخ واشد= والين من الديباج في بعض المواقف والامور
احبابي اكثر من شعر راسي وحسادي بعد=فسر تعابير الوجيه وتعرف اسرار الصدور
طال المدى والسبت يا خذ بعض ساعات الاحد= والليل في راس النهاراعلان والساعه تدور
يصفي من ايام السنه يومين والباقي عدد=يوم اجتماع الطيبين ويوم تجبير الكسور
واغنى رجل في العالم اللي ما شكى همه لحد= الا لمن يملك مفاتيح الاجابه و السرور

الله الله الله يابو عبد الله
قصيدة رائعة وذوقك كان أروع
تقبل مروري المتواضع