محــاوره بــيــن الــشاعــر صــاحـب الســمو الامــير خــالد بن سعود الكــبير
والــشـــاعــر تركي عطا الله الميزاني المطيري
تركي
سلام الله سلام (ن) للعلوم الطيبـه عنـوان=
واعرف معزبه والظيف في حكمة معازيبـه =
وانا لي صاحب (ن)ماينطق الكلمه بلا برهان=
ابا اسولف معه والعلم يدريبه وانـا ادريبـه =
صاحب السمو
الا يامرحبا واهلا بقطلة شاعر المطران=
تراحيب (ن)لها بالصدر تشريقه وتغريبه =
وانا ياصاحبي ماني بمثلك لشعر ميزان=
ترفقبي ترى توي غشيم وداخلي ريبـه =
تركي
يدوم لك البقا والطير مايكفخ بـلا جنحـان=
وانا خابرك صقر وكل صقر(ن)له مخاليبـه =
سبحنا في البحور الي تضم اللولو والمرجان=
واخذنا مانبي والوقت ماتصفـى مشاريبـه =
صاحب السمو
صحيح الوقت مايصفى وتعكير الزمان الوان=
واشوف الخايبه تعجب وهـذي والله مصيبـه =
غدى عند الهزيله شان والجزله ثمنها هـان=
وسف الكذب والتهريج اشوف الناس تغزي به =
تركي
اشوف اللي تشوفه طال عمرك يالله الغفران=
واشوف الناس قامت تبتسم بسنون تركيبه =
لو ان اللي بنى البيت المسمى ثبت العمدان=
ماشفنا الريح تلعب بين ذرياتـه واطانيبـه=
صاحب السمو
يا كيف الحل والحاله سفينـه مالهـا ربـان=
يمشيها الهوى من حيـث ماهبـت دواليبـه =
عربها ترقص وتزف على حس الوتر و الدان=
يحسبون المعاني صولها من جاب له خيبـه =
تركي
اظن الحل نتركهـا تهيـم بغبـة النسيـان=
عسها من نصيب القيض لا هبت ملاهيبـه =
لو ان النابغة مخطي ماعود بالرضى حسان=
ويكفينا رضى حسان والوقـت وتجاريبـه =
صاحب السمو
انا خابرك ميزاني وربعـك كلهـم شجعـان=
علامك عرَ ض لك هدفهـا ماتضحـى بـه =
ترى صمتك عن الغاوي وتصديدك عن الخوان=
عذاب(ن)للضمير الحي ولا في هرجتك غيبـه =
تركي
انا مثلت فيك القاف مامثلت فيـه فـلان=
وطبعي كل مقفي ملحقه واشذب عراقيبـه =
نبي نبعد عن المنقود والمشروه مهما كان=
ولا نفرح على المسلم اذا كثرة عذاريبـه=
صاحب السمو
اجل بنشدك عن فيل(ن)يحب مغازل النسوان=
تضيق ابه الاماكن والمداخل مـن لغابيبـه =
يقول إلهن انا الساحر وانا الباهر وانا الفنان=
وهو ياكل شنق غيره وكل (ن)داري بعيبـه =
تركي
سمعت انه على كبره يحس بعقدة النقصان=
مجند له رعـاة تمدحـه وتقـول ياطيبـه =
لكن الفيل يبقى فيل يوم أن الحصان احصان=
وضلع طويق ماكل(ن)يبي المرقى يعدي به =
صاحب السمو
مابين ممسح الريضان وبين ملهي الرعيـان=
غدى ما للجزاله دور ولا لاهل السنع هيبـه =
الا يال الزمان الشين الا يال ضيعة الوجـدان=
نزل في سوق ابن قاسم وكل(ن)قال كم هي به=
تركي
من اول كنت يا هداج تيما تـروي الضميـان=
لكن اليوم جمـك مانذوقـه مـن غثاريبـه =
لابد الوقت يكشف من هو الرابح من الخسران=
وكل(ن)يلتبس له ثوب في قـده يصلـي بـه =
صاحب السمو
انا يعجبني الشاعر قوي الحبك والبنيان=
إلى منه بنى بيته يشوقك فن تقطيبـه =
اجاذبه العلوم اللي تونس والخفا مابان=
مثل تركي عساه يفوز بالمليون ويجيبه=