[الجزل]

بسم الله الرحمن الرحيم

واصلي يارجل في درب(ن) مشيتي=واصلي بالمشي وخطاك محسوبه
لايهمك كثـر مارحتـي وجيتـي=واصلي لوكان تلقيـن الصعوبـه
بالطريق اللي رغبتي واهتويتـي=واصلي لوجاك من مشيك عقوبه
لاذكرتي خطوتـك لحظـة بديتـي=يسهل المشوار وتبيـن العذوبـه
واعتليبي فوق دام انـك سعيتـي=العلاء يارجـل نادتنـي هبوبـه
ومن علاء طيَب وللطيَب رقيتـي=طيَب(ن)خوتـه مافيهـا معوبـه
لاكسبتي راعي العليـاء عليتـي=والردي خليه فـي عبَـان ثوبـه
عزتي تسمو ليـا منـك سميتـي=منزل(ن) ياطيب من قدمك رقوبـه
والقـدر لوكـان يهـدم مابنيتـي=ماكتب مقسوم ومثبـت وجوبـه