ما دام الجو هادي ماحصل هرجه ولا تشويش=خذيت الفكره اللي تشغل الإحساس والتفكير
وشفت الدره اللي في زمان العولمه والطيش=تونسني مباديها وداعيها دواعي خير
وتعجبني معانيها على صورة دقاق الريش=جليل ومن عيونه تستشف الخير قبل يطير
وفي صدره مقام القايد اللي له يقوم الجيش=عليه الميمنه والميسره والنصر والتحرير
تموت لسطوته ناس وعلى طاريه ناس تعيش=ويذكره الزمن يوم الزمان لصفحته تذكير
يحفظ الصايبه والمخطيه يكتب عليها ليش=ويرسم في سجله واقع الشعار بالتصوير
بعضهم ماتعدى من كلامه نقطة التفتيش=وبعضهم بالخطاء يدخل مجال النقد والتشهير
نصحته وإن نصحته رد لك بالصد والتطنيش=تقول إنك عدوٍ له أو إنه جاب راس الزير
يبي يمشي على كيفه يجيّش خاطره تجييش=ويبي يلقى شباب تشجعه وتخدره تخدير
وفي وقت المقام تخيّشه في موقفه تخييش=ويذكر كل من ناداه قبل يطيح وسط البير
ولا من راح غيره ناس ماشالت سلاح الشيش=عليهم ينهض الشعر الحقيقي لو حصل تطوير
طمعهم لو نطيعه ماكلينا مع طمعهم عيش=ولنا معهم نصيب ومن مسيرتهم لنا تأثير
أقوله يوم أنا شاعر مقامي خارج التهميش=مع الشعار لي وقفه ولي هيبه ولي تقدير