مفرح ابن بداح
عدد ما يلوح البرق لا ناض مـن قبلـه =هلا مرحبـا يـا شاعـر طلتـه قبلـه
نحييه والجمهـور موجـود مـن قبلـه =يقولون مـال الكائـده غيـر راعيهـا
مرحبا والمنتدى ما تجهله ميزات ضيفه=الادب والعلم والاخلاق والشعر الاصيلي
يا براهيم استلم والشعر زان وطاب كيفه=فالك التوفيق والمليون يأخذه الصميلـي
ابراهيم الشيخي
عدد مايذاق الكيف بالمر والحالي=يدوم البقا ياشاعر بوضعك الحالي
ترى مانته لحالك وانا ماني لحالي=يقولون ماللاولة غير راعيها
الصفات الطيبة بيني وبينـك بالنصيفـة=حيث ميزان العدالـه لايهـس ولايميلـي
سرها مسرى الذياب اللي محارزها مخيفه=فوق راس الضلع لاتنحي بها جال المسيلي
مفرح ابن بداح
بعد ما جمعت النـاس فـي شاطـئ الراحـه =احـد قـال بالشـده واحـد قـال بالـراحـه
واحـد مـا يحبـك لـو يصافحـك بالراحـه =صحيـح ان مـال العلـه إلإ مداويهـا
بنشدك يا صاحبي بعد اجتماع اهل السقيفـه=ويش صار ووش حصل والخاتمه صبرٍ جميلي
يا بابرا هيم الحملول ثقال والدعـوى كليفـه=والجمـال مبركـه لكـن مـا تقـدر تشيلـي
ابراهيم الشيخي
مثل شاطي الراحة مايذكر ولا شاطي =برمنا العقود اللي تنشط تنشاطي
لو انه زعل صاحبك ومن الغضب شاطي=صحيح ان ما للعلة الا مداويها
عقب هاك اليوم كل مغيـر تاليـه النكيفـه=نحمـد الله والقبيلـة ماحكمهـا الا قبيلـي
خرجنا فوق الذلول اللـي تحليهـا السفيفـه=لاتقول الخرج فيه اوصاف من خرج العقيلي
مفرح ابن بداح
رغم كـل مجهوداتـك الوضـع متهالـك =سبايب عجوز بليـس. ومراقمتهـا لـك
عسى الله يزين بالرضـاء خاتمتهـا لـك=يقولون مال العلـه إلإ مداويهـا
الشجيع اللي ليا وقف يقص الرؤس سيفه=ما تهمه سبحة الشيخي ومشعاب البقيلـي
خرجكم فوق الذلول وتوجسون احيان خيفه=من سحابٍ فوقكم يرعد ويبرق في المخيلي
ابراهيم الشيخي
اعامل عجوز ابليس من شان مصلحتك =ابيك اتّميز في جهازك ومصلحتك
مابيدي صلاح ان كان الايام ما اصلحتك =صحيح ان ماللعلة الا مداويها
انت وينك ماتجي فزاع يامال الحتيفـة=واقف لوحدي دحمت القوم لين انهد حيلي
والله ان القصد مقصد خير والنية شريفة=مير من يسري بلا كشاف يخطيه الدليلي
مفرح ابن بداح
بعد ما هرجنا جد واللعب هـاي وهـاي=والارسال فوق المدّ وشوي فوق الهـاي
لبو. كوند ليزا... زفت لوكان قالت هاي=صحيح ان مال العله إلإ مداويهـا
اعتبرني واصلك لكن دورلـي وضيفـه=لا تواعدني وتخلف في وعودك يا زميلي
والله ان الجرح يا براهيم ما يبرى نزيفه=لين ناصل للهدف بقيادة الوزن الثقيلـي
ابراهيم الشيخي
بحثنا الجنازة وانكشف عظمها المنبوش=ولو ما اشتكت لامن عطالٍ ولا من بوش
انا ماني براعي السبب والسبب من بوش=صحيح ان ماللعلة الا مداويها
يالسبيعي لو نحطك حاجب فقصر الخليفة=لي بياض الوجه ثم خلك تكيل اللي تكيلي
البشر لو ياخذون مـن الثقيلـه للخفيفـة=لايذلون العزيـز ولايعـزون الذليلـي