إلى رفيق دربي وصديقي العزيز
مسعود الحويزي
أبوفهد
الله يحي الشعر والله يحييك=والله يحي الساعه اللي لقيناك
شاعر وعذبات المعاني معانيك=والشارده بحروفها ماتعداك
يابوفهد والله ماني بناسيك=لكن ظروف الوقت ماهيب تخفاك
تحدنا بعض العقود الشرابيك=وعن من توده يخلف الوقت ممشاك
الله يجنبنا دروب المهاليك=ويغفر خطايانا ويغفر خطاياك
يامحزمي ياعزوتي يوم أناديك=كله لأجل تجبر ظروفٍ تحداك
في جدول الأعمال سجل محاكيك=ساعه ما دام إنه له سنين ما ألهاك
ياصاحبٍ نفرح بشوفك وطاريك=ياشاعرٍ سقت المشاعر لطرياك
الشعر ماهو للرخوم الصعاليك=الشعر لأهل الطيب مثلك وشرواك
والله يحي الشعر والله يحييك=والله يحي الساعه اللي لقيناك