انا ياليل تعرفني نديمك والعباد رقود = أذا كان الوفا باقي تفضلوأحمل رساله
على دربك قبل تسري أذامريت أمير الخود = تجمل وأسله عني ويش اللي غير احواله
تكفي جملة وحده قبل لاتختفي وتعود = وقله صاحبك بعدك يعيش بحال يرثاله
انا يل ليل وش ذنبي أعيش بظلمتك محسود = أذا حلمي ولد ياليل يجي صبحك ويغتاله
يمر اليوم من بعده وانا حزني على المفقود = يكفي كل خلق اللهيضيقر الكون ماشاله
أشوف الناس مرتاحه ووحدي بالعنا مقصود = قطع عني تلفونه بعد مماشح بوصاله
لايامطوله صبري وانا من جنته مطرود = هويته دون كل الخلق سويدا القلب منزاله
غلاه مقيد روحي وزادته الهموم قيود = أدا بدر الفرح غايب متى بيطل بهلاله
انا ياليل عاهدته عقب ماخذت منه عهود = وتركني للعنا وحدي مع همه وغرباله
ليا مني بغيت أسلى تذكرني هبوب النود = ويمطر ناضر عيوني على الخدين مسياله
واقوم يأبصبري وقول أن الامل موجود = ولأ منه يأس قلبي تجددنفسي أماله
يجي طيفه يناجيني ويجرن الدموع شهود = وأعيش نفسي بكذبه وأقول أني على باله
انا ياليل لوطول بهجرانه وزاد صدود = يتم بقلبي الغالي ولا أسمع هرجعذاله
الشاعر /ســــعد عـويد السبيعي