ابيات لم اعرف صاحبها لكنها اعجبتني
وحبيت انقلها لكم والذي يعرف صاحبها لا يبخل علينا تكفون
يا حيف يـا درّه عليـك الحسافه=رحتي مراويـح الزمـان المولّـي
صكوا عليك البـاب عمّـد ولقافه=من عقب ماكنتي هـواي ومطلّـي
ولا بقـى بينـي وبينـك ولافــه=نشكـي لمـن بمّـره نعَـز ونذَلّـي
وقـتٍ تحدانـي ولابـه نصـافـه=وخلا ضعيف النفس يقعـد محلّـي
ماهو ردى منـي ولاهـي ضعافـه=ولولا الكرامه كان ما ضاع خلّـي
اشره على كونٍ تجلـى اختلافه=متاهتـه فيـهـا الأوادم تضَـلّـي
عـيٍ لقـى عـيٍ تحـذا خفافه=وفي مجلس العيات مالـي مزلّـي
وغصبٍ على قلبي يفـارق شغافه=حكم القـدر ماهـو مجـرد تخلّـي
هذي نهايـة حـب ماهـي طرافـه=ويوم ابدع القيفـان غيض وتسلّي
اقسم لك ان فقـدك علينـا كلافه=ويحرم عليّ .. بغير وجهك ما اهلّي