[فـــالح السبيعي]

المشاركة الأصلية كتبت بواسطة أبو يزيد

بعض القصائد مالها ماهيه=لو انها في شكلها براقه
الى متى وأنته بها العقليه=وكم لي وأنا أنصح فيك ياالطرباقه
وأنكان مالك وجهااا وجاهيه=ماينفعك شعرك ولاله فاقه
ممكن تجيد الوزن والقافيه=بس المعاني والعلوم دقاقه
وممكن تسوي هيلمه وهميه=وتصير كنك(....) الطقاقه
لكن ذود الشعر ياراعيه=ماطبلك وسطه بعير وناقه
الشعر مثل السيف والجنبيه=مايحتزمبه كل قاطع ساقه
والشعر مثل الروضه المحميه=فيها من الازهار باقه باقه
وأنا قصيدي دلة(ن) بريه=تضرم عليها العالم الذواقه
لاهيب محترقه ولاهي نيه=كيفااا تشفقها الرجال شفاقه
شاعر وفي راسي مية جنيه=والبحر ما آهابه وأغوص أعماقه
وأختار منه الدره المنقيه=وأخلي (الغثرب) لمن يحتاقه
قلته وفى الشعار ميه ميه=شاعر قصيده ماتمل عناقه
اليا سمعته قلت يالله حيه=حي القصيد وحي منهو ساقه
وشاعر على موال هاي وهيه=متعبااا حتى القلم واوراقه
لامنه لاحسنه ولابه سيه=خله يدور بالقصيد أرزاقه
مير البلاء والعله المخفيه=لا جاء من الشعار شاعر عاقه
حمال للاسفار روحه جيه= وقصائده تجيك عكس أخلاقه
لابوه لابو نفسه الدونيه=آخير من قرب الخمام فراقه

أبويزيد
الله عليك
ماشاء الله تبارك الله
ذهب ذهب ياسلام عليك وعلى ذاااائقتك وشاعريتك الفذه
قسم بالله درر من أولها لآخرها , ماأحلى الشعر الجزل والجميل
صح لسااااانك يابطل صح لساااانك يالذيب
خالص تقديري