بسم الله الرحمن الرحيم
هذه القصيدة رثاء في أخي الشيخ/محمد بن مقعد بن نعيس رحمه الله
يالله يـاجامع قلوب الموالـــيف ** نوب يجمعهـا ونوب يخطفهـا
ترحم وليـفلي توفى وأنا اشـوف ** نفسي على شوفه كثير لهفهـا
أدموع عيني فوق خدي ذواريـف ** والكبد عاصوف الهموم يعصفها
ابكي ولكن مــاتفيد التـحاسيف ** يعوضه الجنــه براد كنفهــا
اخوي راح وخلصن السواليــف ** لقـدار مـرنه وراح بطرفهــا
هو مسندي لاصلباً المواقيـــف ** هو راس مالي في السنين وكلفها
يعرف مصيبتنا رجـال عواريـف ** ازحول الرجال إلى عريقن سلفها
في علة بين الضلـوع المهـاديف ** تعجز رجـال الطب ما تكتشفهـا
للي نشدني قلت هذي الصـواديف ** وكل الخسـاير عند ربي خلفهـا
وقبله سعد يفرح به الجار والضيف ** راحت به الدنيـا و لاحد نكفهـا
يـاالله يامنشي المزون المراديـف ** تجبر عزانـا والأمور تعرفهــا
ماجدبن مقعد بن نعيس