السلام عليكم ورحمة الله :
يا الربع ما به ألا سلامتكم وأنا بعلمكم بحكاية المنتدى وفيها تصرف وإيحاءات .
كنا على دبي قاطنين لمدة شهرين ويوم زادت الرطوبه شار علينا المشبب من الجماعه وقال خلونا بنشد يم كندا يمدحونها في الصيف ويقولون بارده ولا فيها تغاريس والمنتديات فيها تفحط وكنها على طين والخباري ملي وكل ماتبي موجود .
قال المشبب تم والله مير نشد ونطوي عفشنا ونوصي الربع لحد ينسى شيء من حلاله المهم أبو عمر ضيع ناقتين لبن جراح وناقة لخو شما ويم امسانا الليل وشبينا الضو وروح الحلال لبعض الحلال غادي المهم أبو عمر دخل في وجه واحد من الربع وفكله الله .
ويوم نزلنا كندا وجلسنا فيها يومين ألا ويقول المشبب خلونا ندزها يم تكساس تراها بارده واهلها بيرحبون بنا
شدينا ومثل العاده ابو عمر ضيع ناقة لساحر الليل ولكن ابن جراح ما قصر هدأ الوضع وقال أبشر بالعوض وأنا كني إياك ضيعوا نوقاتي حسبي الله على أبو عمر .
ويوم نزلنا في تكساس خلينا واحد من الربع في كندا وكل من جاء يدور علينا حوله علينا وخلينا اسمنا عنده لين يكتمل العدد ويجون كل الربع في حارة السبعان في ولاية تكساس .
وقلنا له لا اكتمل العدد هات الإسم وهات علم القبيله معك .
وأبو عمر حكموا عليه الجماعه بأحكام مختلفه وكل من عنده دعوى ينزلها لجل ينزل فيها حكم .
وهذا تأديب له لجل ما يتعودها .