[مدغم ابوشيبة]

السلام عليكم ورحمة الله وبركاته

فالحقيقه لابد أن أوجه كلمة شكر للمبدع دائما ً ماضي المديري على دعوته الكريمة

كما أتقدم بالشكر إلى ادارة واعضاء شبكة قبيلة سبيع على هذا الجهد الرائع وعسى الله يوفقهم

هذي القصيدة متواضعه لعلها تصل لذائقتكم الشعرية

يا بديع الحسن والعقـل المفكّـر=الوصال يحب والهجـران يُكـره
أنت تدري وش ورا الباب المسكّر=لا تواعدني على الليلـه وبكـره
عل وجداني من الوسـم المبكّـر=اللي والله ما حصلي غير ذكـره
من تذوق له عسل صافي وسكّـر=صار عنده صحوةٍ من عقب سكره
مـا يجـازى بالتجنـي والتنكّـر=من خذيت بنظرتك عقله وفكـره
كن لطيف ولطف الجـو المعكّـر=تستحق إجلال عرفانـه وشكـره
أنت ما يخفاك بس أحـب أذكّـر=وادرج الهرجه على موجه ومكره
لابسٍ ثوب الجميـل ولا تشكّـر=مير قلبي حرٍ أشقر وأنت وكـره
ماتبـي تفكيـر يالعقـل المفكّـر=الوصال يحب والهجـران يكـره