[ابوعزوز]

تحياتي للجميع

هذه اول مشارك في هذا المنتدي الكريم وهي عباره عن نصيحه للجميع للشاعر
محسن بن علي القريشي السبيعي

العلم لا قالوا رفيقك تردّى = ماعاد يعرف من يجيه ويزوره
وكتب وصاته وقال ديني مبدّا=واوصى بثلث المال ثم البزوره
الاجل لو انه طويل وتمدّى=تجيبك الايام هي والشهوره
والموت لوانه لغيرك تعدّى =لازم يزورك او تجيه وتزوره
كم واحد قبلك نزل ثم شدّى=هذى علاماته خراب قصوره
وترى جليس السو يعدى كما ادّا=تجنبه قدام تلقي شروره
والا جليس الطيب مسك وندّا=يعجبك ريحه لا وضع لك بخوره
من جاب لك هرجه نقل عنك ودّى = هذاك نمام كثير الخطوره
والمسعد اللي بأمر ربه تقدّى = وتابع طريق الحق لا بان نوره

[/QUOTE]


امل ان تنال اعجابكم


ابوعزوز