[مناحي المجمعي]

اسمحلي انسقها وقصه جميله وفيها عبره

يقول المهادي والمهادي محــمـد = وبه عبـرةً جمل المــلا مادرابهـا
وجعــي بها من علـةٍ باطنـية = ولايــدري الهلباج عـما لجـابهـا
أن ابديتها بانت لرمّاقة العـــدا = وأن اخفيتها ضاق الحشــا بالتهابـها
ثمان أسنين وجارنا مســرفٍ بنـا = وهو مثل واطي جمــرةٍ مادرابهـا
وطاها بفرش الرجــل لو ماتمكنت = بقى حـرهامايبردالماء التهابهـا
ياما حضينـا جارنا من كـرامة = لو كـان مايلقي شــهودً غدابـها
وياما عطينا جارنا من ســبيــة = ليا قادها قـوادها ما نثــنا بهـا
الأجــواد وأن قاربتهم ماتملــهم = والأنذال وأن قاربتها عفـت مابهــا
الأجواد وأن قالوا حديثً وفــوا به= والأنذال منطــوق الحاكيا اكذابهـا
الأجـواد مثل العد من وردة ارتوى = والأنذال لاتسقى ولا ينســقابهـا
الأجـواد تجعل نيلها دون عرضها = والأنذال تجعــل نيلها في رقابهـا
الأجواد يطرد همهم طول عزمهم = والأنذال يصبـح همها في رقابهـا
الأجواد تشـبه قارةٍ مطلحــبة = ليا دارها البردان يلقى الذرى بها
الأجواد صندوقين مسكٍ وعنبـر = ليا فتحت ابوابها جاك مابهــا
الأجواد مثل البدر في ليلة الدجى = والأنذال ظلماً تايةٍ من ســرابها
الأجواد مثل الدر في شــامخ الذرا = والأنذال مثل الشـري مرٍ مذاقهـا
الأجواد وأن حايلتهم ماتحايلوا = والأنذال 0أدنى حيـلٍ ثم جابـها
الأنذال لو غسـلوا ايديهم تنجسـت = نجاســة قلوبٍ مايفيد الدوا بهـا
يارب00 لا تجعل للأجـواد نكبة = من حيث ليا ضعف الضعيف التجابها
لعــل نفسٍ ما للأجواد عندهـا = وقارٍ عسـى ماتهتنى في شـبابها
عليك بعين السـيح لياجيت وارد = خـــل الخباري فإن ماها هبابها
محا الله عجوزٍ من ســبيع بن عامر = ماعلمت أقرانها فــي شــبابهــا
لها ولــدٍ ماحـاش يومٍ غنيـمة = عــدا كلمةٍ عجفا قمـز ثـم جابهــا
أنا أظن دارٍ0 شـــد عنها مـفرج = حقيــقٍ يادار الخنا فـي خـــرابهـا
وأنا أظن دارٍ نـزل فيها مــفرج = لا بد ينبت الزعفــــران في ترابهــا
فتى مــايظلم المـال الا وداعـة = ولو يملك الدنيــا جميعا صخابهـــا

وتقبل مروري