[صقر الطرف]

هذه القصيدة رد من الشاعر مفرح بن محمد الملوح على الشاعر حمودمفرح الرويبي الموجهه للشيخ بنيان بن تركي الملوح السبيعي


جاني جواب(ن)من زبون المخاسير
ورحبت ابه من يوم تم استلامه
من اللي يعرف الوارده والمصاديـــر
حمود راع المعرفــه والشهامــه
أبو مفرح منهجــه دايـــم(ن)غيـــــر
وعنده على طيب الفعول أستقامه
لا من تهيض صخر القاف تصخيــــر
مايلحقه في ما يقولـــــه ملامــــه
حيثه يعد الصدق مــا قــال تزويــــــر
ولا يلحق الرجال بالصدق لامــــه
وصدق الإجابه من علامة هل الخيــر
ومن عزنا ياجب علينا احترامــــه
من اللابه اللي تشبع الذيب والطيـــــر
يوم(ن) العجلات السبايا ابترامـــه
قول(ن) صحيح وثابتلـــه تقاريـــــــــر
يوم الجهل يثنون دون الجهامـــــه
يوم القبايل بين فــــزاع ومغـــيـــــــــر
كم شيخ قوم(ن) لبسوه الردامـــــــه
كم مرقم(ن) داسوه من دون تقصيــــر
وعد(ن) خلا ما فوقه ألا حمامـــــــه
ما فوق جاله كود هدف النواعيــــــــر
كل(ن) مخيف(ن) منه يشرب اجمامه
شربوا اجمامه ستر بيض الغناديــــــر
فالخوف يوم(ن) للجموع اصتدامــــه
مر(ن) مسانيد ومر(ن) محاديــــــــــر
يوم الردي ماهوب يسوى ابهامــــــه
ألاد الرويبي ناطحين المشاهيـــــــــر
كم فارس(ن) عنهم نوا لنهزامـــــــــه
نعم(ن) بهم فالوقت الأول والأخيـــــر
وصلاة ربي ختـــم قولــــــي تمامــــــه



الشاعر :
مفرح بن محمد الملوح السبيعي