قصيدة الشاعر صعفق بن عبدالرحمن الغبيوي العتيبي....
يادحيم لي يومين ماشفت أنا الجار=أبــو فـهـد الـــي عـلـومـه جمـيـلـة
مابيـنـا ألا سـيــب مـمـتـد وجـــدار=أمــــا يــجــي ولا لــــزوم نـجـيـلـة
يـاخـذ خـبـر ونـاخـذ كــل الاخـبــار=عنـد السبيعـي ويانعـم مــن قبيـلـة
علـى دلال وسطهـن بــن وبـهـاااار=وسوالـفـاً بـيـن النشـامـى جـزيـلـة
والعـود مــن بـيـن المشاكـيـل دوار=مـن الهنـد جـابـه للمـعـزب وكيـلـة
يالله يــا معـبـود عـجـل بـالامـطـار=قـبـل يــزل الـوسـم خمسـيـن ليـلـة
تشـوف عشبـة بيـن ربـلـه ونــوار=ريـح النـفـل يشـفـي قلـوبـاً عليـلـة
ريـح الخزمـى والنفـل ريـح عـطـار=تلقى الزبيدي فـي مجـاري بمسيلـة
وشـوف شيـئ يخلـي الفكـر يحتـار=يـشــوف ظـــول تــونــزل نـزيـلــة
وقبـل تحياتـي عـدد نبـت الاشجـار=وعــداد ماشفـتـك سـمـراء جـديـلـة
نـهـار عـيــد ومخـتـلـط فـيــه زوار=يــوم خـزرنـك بالـعـيـون الكحـيـلـة