[ابو سهم]

بسم الله الرحمن الرحيم
والصلاة والسلام على أشرف الأنبياء والمرسلين
اولا اعتذر لكم عن غيابي الاضطراري وذلك لظروف خاصة
واهدي لكم هذه القصيده اللتي قلتها بالزاحف الله يزحف فيه ويعقله انشاء الله لاني لو شفته يا ويله
واهدي هذه القصيده الى كل من آزرني وشد على يدي
الشامل و ريال الفسحه و ابوفهد على راسهم وكل الشباب البقيه اللذين لم اذكرهم وقد وقفو معي
ان ابو سهم في مثل هذا اليوم يهنيء كل من انضم الى حزبه بهذا النصر المبجل
وانه لمن دواعي سروري ان اضع بين ايديكم هذه القصيده المتواضعه
واهديها الى العلم ابن شطيط رفيق دربي وذراعي الايمن



بســم الله ابدا هرجة السن با السن .... اضرب بهم برماح وخايف عليهن
ياويلهم مني ولـــوهـــن يطيـــحـــن .... يمشون بـالميـــلات والعين بالعين
لكن اخذنا الثـــار والصاع باصواع .... يا ويل من قرب والا لهــــم طـــاع
حنـــا نقول العـــلم وانزيــــد بابواع .... خيــــالة تسقيكـــم المـــر مــــرين
جـــابك لي الله يا ولـــد منت ملزوم .... يوم نويت مواجه القوم يالـــبــــوم
راحــت عليك اليوم يا آكـــــل الثوم .... يوم الجماعه كل ابوهم مصليــــن
جاني عميل خرب الشــــان بالحيـل .... ماعــــدل المشكل وزود بها الميل
قام يتخثع واكثـــر الحــــوم بالليــل .... والـــحوم للعقبان يا فرخـة الطين
اشبهك يا ولــد في فـــــرخ بومـــه .... يا مكثر بالجو حــــومــه ولــــومه
ما تدري اني عايف اليوم قومـــــه .... لحمك محرم ياولـــــد لا تشـــاكين
شبهتـــني بالفـــرد والفــرد كايـــف .... هومزبن للي من الناس خايـــــف
وتشبيهتي بالفرد مـــا نيب عـــايف .... واحب شوف الفرد لاحد هالحيـــن
شفت القصيد اللي لفانا من القـــاع .... يا واحد تبغى القشر وانت طمــاع
خلك مثل هالقـــوم وقـــاف سمــاع .... لا تبتلي عمرك بنـــــطح الشديدين
حنـــا هل الطــالات لا جــات كلــمه .... ننصا قصاها لو يبي يطول عــزمه
ما نرتخي ما هـــوب كلمه بكلـــمه .... نفعل ولا نخشى جموع المعـــادين
شامل عصابة راس من به تعصب .... موت حمر ذا اليوم فيكم مصبصب
لو كان طربــان ولو كــان عصــب .... ماهمته عنزن وطت بالــــكراعين
وابن شطيــط راعــي الطيــب كلــه .... اطيب جميع القوم طــــب بمحلـــه
والدلــه اصفـــرى معــه مثل ضلـه .... واخذو كــــلام اللي يوريك بالـعين
وريالنــا الفسحــه بطبعــه رزينــي ..... لكن ترى بالـــحـــرب ربك يعيني
واللي يبــي حــربه بيصبح دفـــيني ..... ما بين ذاك وذاك صــاروا قديمين
وفيه البدر مثل الــبدر يا جمــــاعه .... قايد بحزب الجيش راعي شجـاعه
مسترسل للطيب سمـــع وطــاعـــه .... راعي وفـــا وكل العرب له وفيين
اسمع وخذ هالهرج يا سوات بطــه .... حنا الشجاعه والكـــرم ما ننطـــه
والا انت يا زاحـــف هجيج وعطــه .... جدعت هالبيتين واقفيت بالــــحين
واسمع ترى هالمزح ما يستوي لي .... لـــكن على ماقـــال ذيــلك طويلي
طـــول الــذنب بالــــحيل يا ويل ويلي .... ليش بطويل الذيل صرتي تحومين
لا تـــاخذ الهــرجه وبعـــدين تــقــفي .... خابر جميع القوم صفك وصــــفي
صــفي غــلب ذا الليل وصفك مشفي .... على شفا اعمق حفرة لا تصافين
يــا ويــل ويــلك ويــل هــديت حــيلك .... بس خبرا ارضك وانا اللي بجيلك
مــا تعــتبر يــا شين من بعض جيلك .... اللي تحــدوني وراحــوا مقفــــين
خـــلاص يـــــاللي ناوي اليوم تنهين .... ارفع يديك اليوم والحق على الزين
جـــمعي وصــفي دايــم الـدوم منهين .... كل من عرضله منتهي لا تحاكين
والخــــص البــــاقي بستـــة بيـــوتي .... اسمع كلامي قبل لا يجيك موتي
تبي السلامــه ميــر صــــّوت صوتي .... تسمع الصوتك كل هالناس عزين
قد جبت عشر ابيات ثم قلت عشرين .... واقولها هالحين والضعف ضعفين
ولو جبت لي ميتين انااوردك لالفـين .... جزل البيوت معدية كـــــل مسكين
لــولا غــلا الغــالين مــا كنت سميت .... لــكن على ما قال يا راعي البيت
مزح علــى الغاليـــن ابيـــاتي ابديت .... وصلوا على المختار سيد النبيين

بعدين يا المزاح خلاص قصائد طويله ما نبي تبي محاوره ونلعب شوي فيها ابشر لاني والله مشغول
ولا عندي استعداد اقعد علشان قصيده خلنا بالمحاورات وانت جاي
وصح لسانك على قصيدتك لو انك شاب فيني لكن بيض الله وجهك عليها