هذه القصيدة بالفظ الصحيح بعد تعديلها شاكر اجتهاداتكم
لاتامن الدنيا ليامن صفت يوم
لها على من سج فيها انقلابة
من شرها محد(ن) بسالم ومعصوم
ولادام فيها محمد والصحابة
والعمر مثل الزرع لو شاخ مصروم
عزي لمنهو غافلٍ في شبابة
دنياك عبر وحيلها تنجب التوم
قشرا ولا سويت جناح الذبابة
قدامنا كم راح قومٍ بعد قوم
وياما فقدنا فوقها من قرابه
كم مرقمٍ من مقدم الوسم ماسوم
يمشون في نبتة قدم من مشابة
وكم مشربٍ من نزلهم صار مزحوم
وبيوتهم كنها السحاب أبجنابة
اذكارهم راحت كما الحلم بالنوم
لطامت العايل كبار المهابة
اذكارهم ماتنسى دايم الدوم
والا الردي لو راح ماحدٍ درابة