[مخــاوي الليل]

بسم الله الرحمن الرحيم

الموضوع هذا كتبته في منتدى سبيع الأخر بعضويتي الأخرى .. وأحببت أن أنقله إلى منتداكم الذي يُعجبني كثيراً وأتمنى أن أشارك به بأي موضوع حتى وإن كان أقل من المستوى لمعرفتي بأنكم أهلاً للنقاش الجاد .. مع العلم أني أعرف جيداً بأنه لا يوجد هنا أحداً من بنات حواء ولكن الأمانه موجوده في إنصافهن .. :2gunsfiri :2gunsfiri


*********************************

والله يا أخوان بصراحه ما عندي مقدمه ولا مهايط ولا أي شئ من اللي يستخدمونه الكُتاب في مواضيعهم بس فيه موضوع أو بالأصح برنامج ( غااااثني بالحيل ) وحبيت أمحطبه على صفحات المنتدى ونشوف ردود الشباب والشابات <<< أنتبهوا أنا أقول الشباب لا يجي واحد شايب خخخخخخخخخ

الموضوع هو بصراحه برنامج سؤال اليوم في قناة الإخباريه ..

أنا والله ماني بحق برامج ولا متابعات بس هالبرنامج هذا أصادفه وقت الغداء وصراحه صرت أتابعه وأهتم بمتابعته عشان يرفع ضغطي <<< يدور رفعة الضغط >> أنقزها لا والله يبي يكحل ..

المُهم البرنامج بصراحه جميل وممتع ولكن ينقل صوره سيئه عن مجتمعنا .. وخصوصاً من مقدمي البرنامج أبن الأيه يروووح ( ينتخ ) <<< يختار أطلق بنت ويسألها سؤال اليوم اللي يقولون عنه ..

بس يوم من الأيام كان سؤالهم المعاكسات وأسبابها وهل السبب الأصلي من البنت أو من الشاب ..

بصراحه السبب الرئيسي في نظري من البنت لأنها تتكشخ وعباية ( كتف ) << هذي لحالها ضياع .. << يعني دمار يروووح فيها اللي ما يدور الغزل .. خل عاد اللي جاي من الأصل يرقم ..

كان في أثناء اللقاءات بنت بنت مو أي بنت شئ عجيب والله من جد أنا دقرت عند الشاشه ويسألها السؤال اللي قلت لكم ... وتقول والله فيه شباب قليلين أدب ومايستحون وما تربوا يعاكسون بنات الناس والسبب الرئيسي منهم لأنهم غير متربيين ومن الكلام هذا وفي المقابل جاء ولد دندون أنا إجابته أعجبتني جداً جداً .. صراحه ... قال أنت تشوف وحنا نشوف ياااااااخي البنات هذولي دماااار وجلس يشرح طريقة لبسهن تفصيلياً والله أنا أقتنعت بصراحه من رده وكان مُقنع للغايه أن السبب الرئيسي من بنات حواء ..

أخواني بصراحه الموضوع هذا أو المشكله هذي اللي هي مشكلة الغزل ما راح تنتهي نهائياً ليه مدري ..

اللي رافع ضغطي أن مقدمي البرنامج شوهوا صورة مجتمعنا بصراحه بنات الرياض وبنات جده ..لأني أشوف أغلب اللي يسوون معهم من هالمدينتين طبعاً حسب تفسيراتي للهجه ..

يروووح يختار بنات مايعات هن أصلاً ما يمثلن بناتنا ولا مجتمعنا ويسألهن ليه يا أبن الأيه .. إذا مرره مصمل رح دورلك وحده ( نصوف ) ومتحشمه وكلامها راكد وعقلاني ولازم تكون متعلمه وتفكيرها راقي مهوب اللي قاعد تسويه هذا ..

ويوم من الأيام كان السؤال عن ما يزعجك في حفلات الزواج توقع الربايع وش يقلن ..

يقلن والله المُطربه تتأخر .. يبون الإخباريه تتفاهم مع المُطربات ..

وكلام ما ينقال ؟؟؟؟؟؟؟؟؟؟

والمرخمه يقولون والله أنا أتعب من الإنتظار عند بوابة النساء أنتظر حضرة المدام تخرج ..

وكلام أخر مال أمه داعي ....

وش رايكم أنا معي حق فاللي قلته والا لأ ...

تحيتي المفعمه برائحة العود ..