[ابن قطنان1]

.: طعنـة دلـع :.


استلطف جروحي ومات الحب من طعنـه دلـع
واقسى نهايات الغـرام اللـي تجيـك مدلعـه!!
يوم انتفض جرحي عتب اتظاهر انـه مـا سمـع
مدري غروره اوقساه اوطيـب قلبـي شجعـه؟!
طفل(ن) تمرد بالحشا ثم جـار فينـي ثـم طمـع
عوايده: (لاشاء يصنع شـئ) بالقلـب صنعـه!!
علمته كيف انساق له شـوق وصباحـات وولـع
وعلمني كيف الحب في وقتـي غدالـه اقنعـه..
ان جيت مـن اقصـى متاهاتـي تناهيـد وهلـع
زاد الجروح جروح .. جمر الهم فينـي ولعـه..
وان طحت من حزني قدم عينـه تعدانـي ورفـع
كفه.. وصفق ثم نطق حزنك تصدق ما اروعه!!!
فنـان وابـدع بنكسـاراتـي تـمـادى ماقـنـع
اتصوروا خلا: ((الملل فيني يمل)) واستمتعـه!!
كنه يقول بحرفـه التجريـح غيـري مـن بـرع
اوهو يقول الظلم في ذا الوقت شفنـي منبعـه؟!
ياخافقـي مافادنـي صبـري ولاطيبـك نـفـع
احنا انخلقنا في زمـن يرتاحلـك لـو تخدعـه؟!
يعني وفا! وين الوفا؟ يعني غـلا! ياخـي شبـع
وقتي مـن همومـي وانامليـت دربـك اتبعـه..
تسوقني لقبري واعيش الموت بحساس(ن) جمـع
طيب(ن) عمى وحلم(ن) ابى لا حققه او اقطعه!!
تغريني انفاس الحيـاه ولانـي اول مـن خضـع
كم لي اصيح بنيتي والصوت محد(ن) يسمعـه؟؟
اسمحلي ارحل والعزا اني ما شفت اللـي فـزع
كل(ن) يقول: (عين الغبي ماضرها غير اصبعه!!)
اسمحلـي رحـل دام وقتـي لا يحـن ولاشفـع
لشخص عابر من كثـر مـادل دربـه ضيعـه!!
( كم قلت لك ما يكسر الرجال غير طعـن الدلـع
وانا انكسر حلمي وكبري يوم جتنـي مدلعـه!!)


.: أفقر عشـق :.


ليت ما خانـت دموعـي بيـوم كبـري والمحاجـر
وانكشف لك ضعـف عاشـق عذبـه وقـتٍ عنيـد..
كـان يمكـن مـا تمادابـي غـرورك يـا مهاجـر
ورحت عنـي واثـقٍ فـي قلـب تبقابـه وحيـد !!
قالوا الفرقى (خطيه!!) واشهـد ان الصـد (فاجـر)
يـوم زود فـي ذنوبـه وابعـدك عنـي بعـيـد ..
آآآه يا كبر الجروح ان صارت طيوفـك خناجـر !!
ويـن مالـد بعيونـي؟؟ تـزرع بهمـي وريــد!!
يعتليني صمـت (كافـر) وتساقـط بـي حنااااجـر
زغردي يا عيون همـي ؟؟ انقتـل صـوتٍ شهيـد!!
فاضت الذكرى في بالي فيض (زمزم) بيد (هاجـر)
وارتوى من (زمزمك) شوقي !! ولا حصلت أيييـد؟!
كيف احصل؟! دامي افقر عشق ... والحرمان تاجر!!
يشتري ويبيع في جرحي.. وانا ... اتناااااثر قصيد!!
كبرها لا غـاب منهـو صـار فـي دنيـاك حاجـر
كل كل احساس فيـك وعشـت تذكـره .. وتعيـد:
ليت ما خانـت دموعـي بيـوم كبـري والمحاجـر
ورحت عني واثقٍ فـي قلـب تبقـى بـه وحيـد !!

.: ياعمـر :.


يا عمر مـا ينسـي كـود الـردي
ولا انـا لا مـت .. يبقالـي ذكـر
عارفٍ قـدري ومـا مـدت يـدي
وما يضيع الحق عنـد اهـل الفكـر
وان نسوا شعري عوافي يا سنـدي
شوف كم شعر ٍ قبل شعـري نكـر
يكفـي انـي قـد كتبتـه بجـهـدي
ولا كسبتـه بالتـلاعـب والمـكـر
اكتبه ب ( سهيل ) ويغار ( الجدي)
وان نخيته ما فـزع صوبـي عكـر
شفني باولهـا وانـا دربـي مـدي
استحقيـت الثنـا فــوق الشـكـر
يحتوينـي حـزن والبيـت يـعـدي
ارتبك .. ثم ارتكب .. ثم ابتكـر !!
حسبي الله يـا العـذاب السرمـدي
ليـه فـي قلبـي تشيـخ وتحتكـر
الغريب انـك معـي مـن مولـدي
كـل مـا فريـت.. طعناتـك تكـر
لين قمت اقول ذا الحـزن اجـودي
حر ٍ لطيبه غـدى قلبـي ( وكـر )
يا عمر لو شفـت بالعيـن سعـدي
لسعاده كذب !! عيني بـو بكـر !!
كيف اقول ان ضحكة السـن ولـدي
والفرح في داخل اعماقي ( بكر ) ؟!
يـا عمـر والله لـو حـظـي ردي
يكفـي بشـرواك يبقـالـي ذكــر

.: بانوراما :.


راكـب اللـي ورّدوه البشـر والجفّالـي
من ديار ٍ تكره المسلـم وديـن اسلامـه
بانورامـا ( s 500 ) ورد مـن تـالـي
الجوانـب إنسيابيّـه .. وسقفـه جامـه !
صوت دقة سلفه ان دقه عريـب الخالـي
غصة اللـي تـوه يعلّـم بحكـم اعدامـه
وان مشى بشويش كنه فـارس ٍ مختالـي
رزة الفـارع وهيبـة شيخنـا العـلاّمـه
خشته .. خشة هنـوف ٍ سببّـة غربالـي
فاتنة جيل : ( العباه مخصـره و لثامـه )
من حلاها الصايـم اليـا شافهـا طوّالـي
يستشك انه جرح فيمـا يشـوف صيامـه
كن كبوته خدود الخشـف بنـت الوالـي
ودّك انهم صممّوا له فالوكالـه شامـه !
وكن بين عيونه اليـا منـه صـار قبالـي
عربجي ٍ نكّس عقالـه علـى مرزامـه !
والسِكن (أجواء حانه) وان عطاك العالي :
شفت برج المملكه لوّنك غـرب تهامـه !
امبراطـور الرفاهيّـه بـدون جـدالـي
رحلة استجمام .. من صدامـه لصدامـه
داخليّه يـا بـري حالـي ويـا عزّالـي
أرض خصبه .. للفقير ودمعته واحلامه !
كل حاجه فيه ( عاج ) من الشوائب خالي
نوع فاخـر فالمواتـر نـادر استخدامـه
وبين : سيتـه المريـح وقيـره الميّالـي
وشاشته والنـور والجـوّال والرزنامـه
وفلسفـة طبلونـه المتناسـق الطـوّالـي
من اضاءته الخفيفه لزين رسـم ارقامـه
تشعر بمتعة جنون ( الدوري الايطالـي )
بنجومـه وانديّتـه وقـوّتـه وإعـلامـه
وفالدركسون اختصار السالف !! وبالتالي:
سايقه يعطـي الاوامـر كلهـا بابهامـه !
( مرسدس) وصيّـة الاجيّـال للاجيّالـي
( الملـك ) وماتبقـى جُنـده وخـدّامـه
منوة اللي يركب الغالـي لعيـن الغالـي
لا نوت شوفة ربوعـه نفسـه الجزّامـه
وجّهه على الرياض وثم عطـاه الصالـي
وفز فـزة مـن توفـى شايبـه قدّامـه !
(نصف ساعه) عقبهـا ييغيّـر الارسالـي
وعقبها (باربع) يغنّي مرحبـا يـا ثمامـه
ناصي ٍ من يستحق المـدح واسترسالـي
( سعد المشعان ) درع المبتلي وحسامـه
شيخ ٍ ليا قالوا اسمه والشعر فـي بالـي
تبرك جزال البيوت الشرد تحـت اقدامـه
الشجاع * الشامخ * الحر * نادر الافعالي
الوفـيّ اللـي غرامـه بالوفـا وهيامـه
الكريـم اللـي يمينـه كفـهـا همّـالـي
غاية اللي جرّح وقطّـع جمـاه حيامـه !
طيبه وفعله وصيتـه مضـرب الأمثالـي
هو علمنا .. لا تحاكوا فالكـرم وأعلامـه
كنْه يقول : الطيب ثوبي والحمياّ عقالـي
والشموخ عمامتي .. يا حيّها من عمامـه
الرجوله على جسمـه فصّلـت تفصالـي
هندم علوم المراجل واصبحـت هندامـه
من زبنه من الزمان الشيـن والأهوالـي
والله ان يبطي زمانه مـا قـواه وضامـه
سعد عين اللي يعده صـدق راس المالـي
وسعد عين اللي غداله مسنـده وحزامـه
وجعل يفداه البخيـل الناقـص المتعالـي
شايف ٍ نفسه على الدجه .. حبيس اوهامه
عند روحه هو الاطيّب !! جعل ماله والي
وعند خلق الله : عفن ومهايطي وهلامه !
والصحيح اللي غبـن حسّـادي وعذّالـي
بيـت ٍ يفطّـر كبـود العالـم النمّـامـه
والله ان ما يستحـق المـدح واسترسالـي
غير ابو مشعان ابن عمي رفيـع الهامـه

.: من العايدين :.


اي والله اني ضايق ومرهق ومخنوق وحزين
واما بموت من الوله ولا بموت مـن القهـر
واللي لعب بحسبه ايامـي وخلاهـا سنيـن
اني على ذا الحال ياشعري لي اكثر من شهر
بعت المدينه لاجل عين!وقالو:الخافـي يبيـن
ودفنتك بجوفي!وقالـو:وش بقابـك ماظهـر
يامطول الغيبه ياطول الشوق مير الله يعيـن
العاشق اللي عاش ظامي بين عدك والنهـر
عيد بي غيابك سنـه والليـه مـن العايديـن
ولاعاد عيدك يالجروح اللي بقلبي من دهـر
ياصاحبي لو تعتذر عن غيبتك عذرك سميـن
حبك بعد ماغبت عن عيني تمادى وازدهـر
من يوم شفتك والنعاس بعينك النجلا سجين!
ومن نفس ذاك اليوم وعيوني سجينه للسهـر
علقتني بالضحكه اللـي تسبـق الغمازتيـن
وتركت لي شاعر كتب فيك القصايد واشتهر
سيلت دمعك واستباح الدمع ستـر الياسميـن
وعلمتني كيف الندى يجمـل خـدود الزهـر
ليتك عقب ماغبت غيبت اشتياقـي والحنيـن
او ليتني ماقد دفعت احلام عمري لك مهـر
.: الفجر :.


دام الفجر يـا ليـل دايـم يقتلـك
وشلون يقفي ما دفع لـك ديّتـه ؟‍!
يقتل وتحمّر السمـا فـي مقتلـك
الـدم كاسيهـا وكنـهـا ميّـتـه
ليته يحـس بضيقتـي لا ضقتلـك
لا سالت دموع الشجر من جيّته !!
وليته يحس بوحدتـي لا اشتقتلـك
والهـم دايـم لا لفانـي نيّـتـه:
يصبر علي : اروق لك وان رقتلك
ينزعك من جفن ٍ افراقك بيّتـه ؟!
شفني بعد ما غبت كيف اورقتلـك
غصن السبات وصرت كني فيّته !!
مابيـن رمشيـن الشقـا خنقتلـك
النـور لـو العيـن بعـدك حيّتـه
لا صرت عم وخال قلبي سقتلـك
قاف ٍ تجـره للسـواد حميّتـه !!
برثيـك ياليـلـي واذا نطقتـلـك
مرثيتـي حـس الضيّـا ابسيّـتـه
قله تـرى فـي مطلعـه علقتلـك
قطرة ندى بجدار رمش امنيّتـه :
ينهد على حـد الشفـق لا فقتلـك
لا من جبرت الفجر يدفع ديّتـه!!

.: يـاالردي :.


يا الـردي علـى الـردى مثلـك يشيـب
تـكـبـر ويـكـبـر رداك وتمـتـلـي
الجهـل مـا عالجـه طــب وطبـيـب
ذا بـــلا.. والله يـعـيـن المبـتـلـي
باتغاظـى عنـك واتحـاشـى واغـيـب
عـن شعيبـن عافـتـه قــدم جمـلـي
مانـي مجبـورن اعيـشـك كالنصـيـب
لا انته مـن ربعـي ولا انتـه مـن هلـي
واعرف ان ((ضيقي)) على شرواك طيب!!
واحسـب احسـاب المعانـي وزعـلـي
جابـك الله وهاجـس المعـنـى قـريـب
انتهـض شعـري وانـا مانـي خـلـي؟!
عنـدي فكـرة بيـت مــا ودي تخـيـب
ولّـعـت قـافـي.. وعـانـه يصطـلـي
وانـت هالمـره ابـي تصـبـح لبـيـب
افهـم احسـاسـي وتـرجـم ( مايـلـي
الذيابـه مــا تـخـاوي كــود ذيــب
و(الثـعـل) شــرواك عـنـه تعتـلـي
فلاتحـاول تعتـبـر نفـسـك صحـيـب
لان هالصحبـه تــرى عيـبـن عـلـي
ذاكـرك ضيقـي مـع اللـيـل الكئـيـب
ولا تـظـن ذيــك السحـابـه تنجـلـي
خلهـا علـى الولـي.. والعيـب عـيـب
واستـرح وارتـاح .. يـا عبـد الـولـي
وكان ( رمياتـك ) مـع غيـري تصيـب
فعرف ان العيب ما يصيـب (( سهلـي ))

.: شاعر وأمثل لابتي :.


يا محمد ابن طبيـر مـارد الكريـم الا البخيـل
وان عوّدت يم الشعـر سهلـه وسنّدهـا علـي
شاعر وامثل لابتي واتعب على البيـت الجزيـل
واليا احتمى الماقف وقفت وسقت للمجد جملـي
ابلا شعور ارتـب ابيـوت القصيـد المستحيـل
وان عيّت بيوت القصيده تنحبـك!! إبـن علـي
والله لخلي الشعر كله يسجـد ويصهـل صهيـل
وانت التفت لمبارك الصامـل وقلـه مـا يلـي
من طيب مطلق طاب فعل عيال مطلق والحصيل
مدهال عز وصيت جود وسمعـة ٍ مـا تنجلـي
فيامرحبا يا شيوخنا ترحيـب مـا مثلـه مثيـل
بأسم الزقاعين ارحبوا يـا لابتـي شلـي شلـي
يا اهل الكرم والمرجله والدين والسيف الصقيـل
يا سعد عيني لا افتخرتبكـم وقلـت انكـم هلـي
يا لاد سهل العامـري مانـي بقـول الا القليـل
مـدام أقـل افعالكـم فيـه المعانـي تمتـلـي
عقيدة الاسلام وحده واضحـه واكبـر دليـل :
مـا تختلـف بالشافعـي والمالكـي والحنبلـي
وحنّـا كرمنـا كالعقيـده مـا يبدّلـهـا بـديـل
في حاضر الازمان والاّ فـي الزمـان الاولـي
من طيبنا لو نمتلك كـل الحـلال بظـرف ليـل
ما عاد باقي في البسيطـه لا قعـود ولا طلـي
واليا انتخن فينا طوال القـد والرمـش الظليـل
نارد على حيـاض المنايـا والله الوالـي ولـي
من فعلنا يبكـي خليـل ٍ مـا تهنّـا فـي خليـل
ومن غيّنـا مـن يبتلينـا بـات نقـص ومبتلـي
حنّا هل الطـالات والفزعـات مزبـان الدخيـل
تامـن قبايـل فـي ذرانـا وان وعدنـا نفعلـي
يشهد لنا من وحّد الديره علـى الديـن الجليـل
وقفاتنـا يشهـد لهـا تاريـخ حكـم الفيّصلـي
ما نحسب حساب الظمـا مـدام وادينـا يسيـل
وشلون يجف ؟! وفزعة ( الغلبا ) سحاب ٍ منزلي
حنّا هل العارض بحد السيـف والفعـل الثقيـل
حنّا بني عامـر بوجـه القـوم نـار ٍ تصطلـي
حنّا ارتبطنا بالشرف والعز جيـل ٍ بعـد جيـل
مثل ارتبـاط الـدم مابيـن السبيعـي وسهلـي
وانا احمدالله حطّني مـن لابـة ٍ تشـف الغليـل
و يطيب شعري وافتخاري في ّ لا طاب عملـي
وختامها صلّوا على نسل الذبيـح ابـن الخليـل
وتقبّلوهـا مـن ضميـري والله الوالـي ولـي

.: فزاع :.


من منطلق ما ينمدح غير الكبيـر ابـن الكبيـر
بسـم الله الرحمـن ياقافـي وبسـم الله علـي
سلام ياتاج الفخر من خافـق وراس وضميـر
تحيّـه تليـق بمقـامـك يارفـيـع المنـزلـي
ياسيدي حمدان يا ابن الشيـخ وبناخـي الأميـر
الشعر يسمو فـي سمـوك والمعانـي تعتلـي
اخطر محطات الشعر مدحك وانا شاعر خطيـر
جيت اكتب اللي ما نكتب وأفكار شعري تصطلي
ياسيدي قناعتـي مـن عادنـي طفـلٍ صغيـر
أن ( الله الوالي ولا غيـر الله الوالـي ولـي )
يعني على الفطره احاسيسي ولا أحب أستشيـر
عفويّتي تشـرح طبيعـة آخـري قبـل أولـي
حبك من الله والقصيده غير فـي فـزاع غيـر
يهلها صـدري مثـل هـل السحـاب المنزلـي
وتربع فياض الخفوق من الغـلا الجـم الكثيـر
ويسيل وادي حشمتك وسـط العـروق ويمتلـي
وبيوتي اللي تنكتـب كـلٍ مـن الثانـي يغيـر
يتسابقون لمسمعـك لان مسمعـك مالـه حلـي
الأول يغيظ الثانـي / الثانـي يناظـر بالأخيـر
ويعتبـر لأأن الأخيـر بغيرتـه يغلـي غـلـي
واللي يقول الأختـزال أبـداع ليتـه يستخيـر
جيت أختصر حمدان ابن مكتوم وأثره مايلـي:
المرجله والطيب والناموس والسيـف الشطيـر
وطريق مجدٍ ما كسـاه الا البسـاط المخملـي
وقصايده فيها عذوبه قيس مـن طنخـة جريـر
وان قالها زايـر أسـد ماهـو صفيـر البلبلـي
وأصبح أبوّه لليتيـم وأصبـح عيـونٍ للضريـر
وبشرى الفرج للمستجير المستضيـق المبتلـي
ياشيخ يانسل الشيوخ وصوفك البحـر الغزيـر
وأنا أفتخر في مدحتك وأنا أشهد أن الفخر لـي
أن جيت مالوم العرب لو ذّبحـت ميـة بعيـر
وغيرك خساره فيه لو يذبح على شانـه طلـي
قصيدتي ماكر حرار أهدهـا لـك طيـر طيـر
في خايعٍ ماقد رعـاه مـن الجمـال ألا جملـي
وابنيها بنيـان الحجـر وأفلهـا فـل الحريـر
وأخطـط لمضمونهـا تخطيطـي لمستقبـلـي
وشلون ما سوي كذا وأداحـم الجمـع الغفيـر
وانت الشلي ابن الشلي ابن الشلي ابـن الشلـي
وقصيـدةٍ كتبتهـا لجـل الكبيـر ابـن الكبيـر
أصدق قصيد الشاعر محمد جـار الله السهلـي


.: بأسافر :.


يقـول المحبـه ويـش لوغابـوا الاحبـاب؟
اقول الجسد..من غير نبـض وشعـور وروح
:
يقول النهـار يغيـب! وش موقفـك لاغـاب؟
اقول ان رضيت اسكت..يصير السكوت..البوح
:
يقول الستر..سمعـه وذكـر وفعـل وثيـاب!
اقول المحب مـن الولـه والسهـر مفضـوح
:
يقول انت قايل لـي بسافـر بـدون عتـاب؟!
اقول ايه! قبل اضيع فـي وجهـك المملـوح!
:
قبـل تبـدي الاعجـاب وابادلـك الاعجـاب
قبل..تاخذ احساسـي وقلبـي عبـث وتـروح
:
قبل..ينفتـح لـك بيـن عـوج الحنايـا بـاب
ويبقى على طاريـك طـول العمـر مفتـوح
:
قبل..لاتـوهـق فـيـك يالصادق..الـكـذاب
قبل..لاتحطـم منـك يالمخطى..المسـمـوح
:
قبل..لاتعلقنـي وترحـل بــدون اسـبـاب
قبل..لاتعلمنـي اعــد السنـيـن جــروح!
:
قبل..يتبعـك وانـت تمـادى جفـا وغيـاب:
قصيدي ودمع عيونـي وصوتـي المبحـوح!
:
ياليت الزمن يرجع واحسب لجفـاك حسـاب
وعد..ماتعلـق فيـك وانساك..قبـل تــروح

تحياتي

ابن قطنان1