على مثل الربيع بشوفتك يا فاتـنـي موعـود=وعلى غير انتظاري موعدك ماعاد يمدينــي
تبي تعرف شعوري يوم تقبل ياربيب العـــود=تراك أنت الحنين بخافقي والنــور في عينـــي
أعدك بألف لون وبألف صوت وبألف سود سود=واعرف ان الدروب المزهرة يمك توديني
عشان أخذك من عين الحسود وشرهة المنقود=تحضنت الوجيه اللي بعضها مايــدانيـــــني
هلا بك يا بساتين الوفى ياحلمي الموعود=هلا باول أحبك تقلب سنيني على سنـيــنــــــــــي
تعبت وما تعبت ان كان بالقى للحنين حدود=وبقيت أركــض ورى حلمٍ قبل لرجـع ينـادينــي
يقول الحول الآخر لا وصلته توصل المقصود=واخاف أنه يـواعدنـي ولا جيته يخــليـنــي
أنا لي شرهة كبر الجبال العاليات السود=وأنا لي عـزة كـثـر الغـلا اللـي بينـه وبـيـنـــــي
تربت بين شرهات الكريم وموجبات الجود=وتعلت عقب ماكانت تهــادى في شــــراينــي
ولامني لمحتك بعد هاذا ياربيب العود=بقـول أنـي أحبك و أعـشـقـك ما دام يمـدينـــــــي
الشاعر / سعد بن مقذل السبيعي