بسم الله الرحمن الرحيم
1-الخرمه
الخرمه اللي دونها نبذل الروح
ياحلو صحراءها وياحلو ماها
يازين واديها به الغرس مطروح
منارتن للعلم ينور سناها
2-رنيه
ﻻجيت رنيه صرت رايق ومرتاح
ديرة رجال ادله اللي يجيها
يالله عل السحب والبرق وضاح
تصب ماء منهال يمطر عليها
3-رماح
ياحبني لرماح ديرة هل الطيب
من بدت اديار الوطن همت فيها
ديرة سبيع الموفيه للمواجيب
عسى السحب تمطر وتردم عليها
4-الغريف
يازين سجه في الغريف وروابيه
ومقابلة ربعي بعد طولت غياب
خصن لياجاه المطر جيت ناصيه
جمعت محبه من قريبين واصحاب