اقتباس:
المشاركة الأصلية كتبت بواسطة راس النـــــايف
من صلاة العصر وانا ارتجي حوت البحور = بعد طال الصبر وينك يافالح والخبير
الله اعلم ماتكنه مغاليق الصدور = ودي اعرف ليش حطو على الصفحه مدير
|
اقتباس:
المشاركة الأصلية كتبت بواسطة فـــالح السبيعي
من صلاة العصر والناس شايفتك تدور=ماتسمع للمنادي ولا صوت النذير
بعد جت معك المشاكل وجاء معك السرور=بعضها وسط الوزاره موقعها المدير
|
اقتباس:
المشاركة الأصلية كتبت بواسطة راس النـــــايف
وش نسوي بالحوادث وزحمات المرور=الكوارث كاثره والمدير ادهـن تسيـر
لو مدير الدايره يضبط شروط العبـور=ماعبر عند التقاطـع قليـل ولاكثيـر
|
اقتباس:
المشاركة الأصلية كتبت بواسطة فـــالح السبيعي
أنت صدمت الأشارات وأعدمت القصور=وأكبر مفحط لو يجيك قال إنـك خطيـر
تضبط الريوس مع السلسله قدم الحضور=والحوادث مع هروبك تصير أمرٍ كبيـر
|
اقتباس:
المشاركة الأصلية كتبت بواسطة راس النـــــايف
لاتلوم الي يفحط ويطمـر كـل سـور=دام ما احكمت المداخل يصير الي يصير
البلا فيك انت منتب عن الوضع معذور=مشكلتك انك تحط الخطط ما تستشيـر
|
اقتباس:
المشاركة الأصلية كتبت بواسطة فـــالح السبيعي
المفحط لو نجى من جروح ومن كسور=ما نجى لو يعلن إسمه بقايمة الوزيـر
الخطط حطتك في عصر ما مثله عصور=في التقدم والحضاره بلدنا غيـر غيـر
|
اقتباس:
المشاركة الأصلية كتبت بواسطة راس النـــــايف
ودك ان البندقيه على راسك تثـور=ماتعدل لين اوردك جمـة زمهريـر
عندكم لامات ميت مايرسل للقبـور=الجنازه ليش مافاختت ضهر السرير
|
اقتباس:
المشاركة الأصلية كتبت بواسطة فـــالح السبيعي
أنت ودك يالفدائي تجـي قـدم النحـور=والفرزدق ما قدر في الزمن يلغي جرير
الجنايز ذكرها باقـيٍ وسـط الصـدور=أحد جاب الخير وأحدٍ ما عمره جاب خير
|
تحبــــــــــــــــــــــــاتي للجمــــــــــــــــــــــيع