سأختصر كل الكلام في هذه الأبيات
بسمك الله ابتدي بالتحيّه والسلام
**********ياسلام الله على يام قاهرة الخصيم
ثم اثنّيها لظفير ابمحبّه واحترام
**********والمعزّه والغلا والوفا لأبنا تميم
وياسلام الله على سبيع درعي والحزام
**********افتخر وافخربها وآرد البحر الطميم
ليت ابن شلحاط ماهوب من صبيان يام
**********الرجال اهل الوفا مايمثّلها لئيم
شاعرٍ شحّاذ ماخذ على الشحذه وسام
**********ماينومس روس ربعه ولايِطعم يتيم
دفش قومٍ مايميّز حلالٍ من حرام
**********في بحور الذل والدنفسه نفسه تهيم
ايتباها يحسب انّه على كور السنام
**********مادرى أن الهرج كثره من طبوع الحريم
بينه وبين السفاهه مودّه وانسجام
**********شاعرٍ من كثرة البلبله عقله سقيم
المواقف مالها ألا امروّين الحسام
**********وأنت مانتب لاشجاعٍ ولا رجلٍ فهيم
اخس واعقب ما انت كفوٍ وندٍ للحشام
**********اشهد انك هيس وانك ردْي مانتب حشيم
كيف تدخل معركه وأنت ماتقوا الزحام
**********ياصغير العقل ماللعظام ألا العظيم
مايزعزع وحدة الصف هرجك يالخمام
**********القبايل كلها صف واحد يا ذميم
كلبونا صف واحد تحت راية لإمام
**********مايفرّق بيننا كود شيطانٍ رجيم
المجوسي لو قدر يدخل البيت الحرام
**********كان شبّ النار مابين زمزم والحطيم
والبدايه والنهايه سلام الله سلام
**********تلتطم لأمواج والرب بالنيّه عليم
الشاعر / سالم بن فهد السبيعي