لاهنت يابن عزوان على القصيده الطيبه لشاعر بندر بن سرور رحمه الله والقصيده التي ادليت بها ناقصه وهذه هي القصيده الكامله
يالله ياجالي الأمور المهمه" ===== " تجلا وهج قلبٍ برا حال راعيه
البر دجته والبحر رحت يمه" ===== " يقطعك يا حظٍ على الله مساعيه
يوم إن ولد اللاش رزقه على أمه" ===== " رزقي على اللي ميت القشع حيه
يامل قلبٍ كل مامت همه" ====== " دارت دواليب الدهر لين حييه
فراق شمل الناس عيا يلمه" ===== " وقت يشيب الرأس من شايةٍ فيه
أحدٍ ينام وحط رأسه بكمه" ===== " وأحدٍ تخم النوم عينه وتخطيه
وأحدٍ يحاول بردى بنت عمه" ====== " وأحدٍ يحاول ستر عذرا عوانيه
ماني وأنا بندر ببياع دمه" ===== " يقطعك يابياع دمه ومهفيه
اللي يبيع لابسات الازمه" ====== " ثورً يبابيض الرعابيب تغنيه
يزعل ليا جت ليلة الدور يمه" ====== " يرضى بسوق المال فِخوه وفأبيه
خطو البخيل اللي كبير مجمه" = ===== " يقر الكتاب وواجب الله يخليه
إما هرج لك في رفيقه بنمه" ====== " والا عطا وامه تضيع هقاويه
أنشدك ياللي كل فرض تتمه" ======= " تقرأ الكتاب وكل فرضٍ تصليه
ويش القليب اللي عميق مجمه" ===== " مافاد غرسه ماه عطشى سوانيه ii؟
تخالف الأنظار شرقٍ ويمه" ====== " وكلٍ هدف رايه من الناس مرضيه
سم السبب يا عارفٍ عنه سمه" ==== " سم السبب ياعارفه قبل أسميه !!