[خيَّال الغلباء]

بسم الله الرحمن الرحيم

أخي الكريم / نزال القريشي السلام عليكم ورحمة الله وبركاته وبعد : شكرا جزيلا لك على هذه القصيدة للشاعر الفارس / خالد بن هرسان القريشي رحمه الله وأسكنه فسيح جناته في معركة حوقان في الخرمة ضد إخواننا البقوم والقبائل العربية في وقعاتها يوم لك ويوم عليك والطيب ما يغط الحق ويذكر اللي له واللي عليه ويقول فيها :-

يا راكب اللي كنها مغزل المها
= رعت حيا وادي من الوسم سايلي

قم يا نديبي من عليها وسرهـــــــا
= والعصر لبلاد الزكور تخايلي

انحر بني عمي وخص مناحي
= نقاض عمل مفتلين الحوايلي

ذباح دسمات الظهور لمنهشل
= زبن اللدوح من القحوص الحايلي

قل وش عذركم من دار أبوكم وجدكم
= اللي مدهـا يرمـي ورى المكايلـي

قله عذرناهم وشافوا زينا
= يوم يتناغض بينهم بمهايلي

واليوم جبروا الرجال وجونا
= وإنا عليهم منذكين ملايلـــي

شـــد قـــد غاص بده فينا
= ولا مثلهم يرضى بشد مايلي

وش عذرهم من دار أبوهم وجدهم
= نصيح للغلباء بروس النثايلي

أرسلنا الركاب الأولات لقيفنا
= وجتنا الركاب التاليات نكايلي

وجاء الرأي منهم واستعنا بالله
= وقمنا ولا طعنا كثير العذايلي

وجاء الرأي منهم واستعنا بالله
= وحطينا الرقاب الغاليات عدايلي

شيب عيني يوم جونا وحججوا
= يشدون نو من صدوق المخايلي

قالوا وقلنا وانهزعنا شوي
= لين اغتشى روس الجريد نفايلي

وصحنا عليهم صيحة بأمر الله
= يصبح بها الشايب غرير وطايلي

كله لعينا الغرس مرتدم الحثر
= ولعينا سرف البكار الحفـــايلـي

وإلا لبيض يوم جنا وفرعن
= طار العزا عن ناسفات الجدايلي

يشيلون فوق الزمل حي وميت
= ودارت عليهم من قبلنا نكايلي

لا كن تناويح البيض في وسط نزلهم
= تناويح ورق غب واديه سايلي

هذي على أخوها وهذي على ابنها
= وهذي على خلٍ ولا له بدايلي

لين البقوم اللي صعيب تراجعت
= هم بركت للشد مثل الرحايلي

وبنو بيوت الحرب وأمسوا ولا أصبحوا
= وهذي عليهم من كبار الفشايلي

ويا نعم والله يا دعوى بني عمر
= جمع ورى المحناب ما جاك مايلي

وراحت زهازيـم الرشيمـا طرايـد
= ورجف الفرنجي مثل رجف المخايلي

واّلاد الوجيرب سترها عند جالها
= يرسيبهم غرس الدجا في الظلايلي

مضاريبهم في الجباه وفالنحر
= بمثمد يشضي العظام الصلايلي

وأشرافنا هل العز والمجد والثنا
= لا رزت الرايات يوم الوهايلي

منهم فهيد الحارث أخذه وشطره
= الدم من سيفه غدى له وشايلي

ومحمد الحارث تبدا بشيخهم
= لعل ما نعتاض فيه البدايلي

واّلاد العسيلي مثل بحر لا زما
= مساويط بقعا ما تداري العايلي

اّلاد العسيلي سلة الحرب ليا ارتكب
= بسيوف هند منه الأشناق مايلي

يصوطون في جمع البقوم إليا انتحوا
= صوط الجمال الصايكـة فالشوايلـي

لا كن نطل الزلم في نحور خيلهم
= نطل الخشب في الوادي المحايلي

إليا زما جمع البقمان نصوعهم
= نصوعهم صوع البرد من مخايلي

وجونا صقور دامي مخلابها
= قد جو لنا من قريبين الحمايلي

وذوي فهيد اللي تشقي حريبها
= سم ذريف فوق الأكباد سايلي

ضيف الله اللي تشقي الأعادي فعايله
= وأبو جهز حامي العياد الثقايلي

ويـا نعـم والله يـا لاد الرويبـي
= بنفوسهـم ومحكمـات الفتايـلـي

مع خالص التحية أطيب الأمنيات واسلم وسلم والسلام .