أخي العزيز{ }
أسعد الله أوقاتك أنت وجميع الإخوان الأعزاء
القصة والقصيدة رائعة وجميلة وبيض الله وجهك على نقلها لنا فقد سمعناها من مدة طويلة عندما غناها راشد الماجد ولم نكن نعرف قصتها ولا من قائلها
لي ملاحظة أخي العزيز وهي إن وزن القصيدة غير صحيح فقد تكررت عدة مفردات في قافية الشطر الأول من بيوت القصيدة مثل {الراس - ساس - ضراس} وغيرها
كما تكررت مفردات في قافية الشطر الثاني من بيوت القصيدة مثل { مني - بكني}وغيرها
أعتقد أنك أخطأت عند نقل القصيدة بغير قصد ولم تكتبها بشكل صحيح وهذا الخطاء أخل بوزن القصيدة وأضعفها وأصبحت غير موزونه ولا تصلح للنشر ومن المستحيل أن يقع شاعر كبير مثل قائل هذه القصيدة الرائعة في مثل هذا الخطاء
أرجو منك التأكد من المصدر الذي نقلت منه القصيدة وتعديل الخطاء وهذا لا يقلل من مجهودك وأهتمامك بتقديم كل ما يفيد من مشاركاتك القيمة ولك جزيل الشكر على جهودك الرائعة والله يعطيك العافية ولا هنت يا الغالي
يـا راكـب ثنتيـن يشـدن الأقـواس = مـن دار ريضـان الحجـر حركنـي
مافوقهـن كـود الدويـرع وجـلاس = وسفايفـن بـيـن اربـعـه يلعبـنـي
تحركن مـن عندنـا حيـن الأدمـاس = ومضـي سـواد الليـل ما بركـنـي
حطن علم عذفا يسـار مـن الـراس = والظهـر مـع ورد الحفـر يشربنـي
حطوا لهن مـع هشلـت الحضر بـلاس = الحضـر ولـي بالخـلاء يسرحنـي
وليـا لفيـت عنـد مدقـوق اللعـاس = الجـادل الـلـي بالمحـبـة فتـنـي
قولوا على حبل الرجاء نطوى اليـأس = والبيـض غيـره كلهـن يحرمـنـي
لو ينـدوي جرحـي دويتـة بقـواس = وابنـي رفـاف البيـت منـك ومنـي
ياعم يالي طعت بـي هـرج الأنجـاس = طاوعت هرج الناس وخلفـت ظنـي
طاوعت بـي ياعـم دايـس ودربــاس = عـوارضـن صدقتـهـا وابعـدنـي
من لاخذا من درس الأسلاف نبـراس = تمضـي حياتـه بالرجـاء والتمـنـي
أقفيت اجر بضامـري كـل هوجـاس = على وليـف بالحشـاء غـاب عنـي
تكفي خواطرهم ليـا جيـت عسـاس = لا تقـل أنـا منهـم ولا صـار منـي
ومريت دار ما تقـل جتهـا الأونـاس = ونيـت ودمـوع العـيـون ذرفـنـي
وجيت المراح اللي به العشب محتـاس = عشب علـى مبسـط فراشـه يعنـي
محذا سمـاد النـار ومشاقـة الـراس = وثـلاثـة لا يبـكـن ولا ينبـكـنـي
لي بنت عمن ماوطت درب الأدنـاس = مادنسـت يـوم النـسـاء يدنسـنـي
ضربتها وأنا احسب الضرب نومـاس = وطلقتهـا يـوم أفخـت العقـل منـي
يا ناس كيف العين تبكي علـى نـاس = وكيف العيـون بـلا رمـد يسهرنـي
لو ينشكي حبه على ذيـب الأخمـاس = يسـرح مـع الطليـان ولا يجفلـنـي
ولو ينشكي حبه علـى الطير قرنـاس = أضحي الضحـاء بموكـره مستكنـي
ولو ينشكي حبه علـى قـب الأفـراس = عيـن نهـار الـكـون لا يفزعـنـي
ولو النجوم اللي مـع الليـل غـلاس = يــدرن ما بقلـبـي لقلـبـه بكـنـي
ولـو البيـوت مشددينـه بالـفـراس = عيـن بــه الخـفـرات لا ينبنـنـي
نطيت ضراس مـن فـوق الأطعـاس = ولا لوم طـراد الهـواء لـو يجنـي
وهليت دمع العيـن ووميـت بالـراس = ورفقـت كـور الصيـد يامـا بكنـي
ولو ان غوطة وام سلمان وضـراس = تـدري مابقلبـي لقلـبـه افزعـنـي
تلقي سهل جبة هضـوض ومحتـاس = وراس الجبـل بالقـاع صـار متثنـي
أنـا زبـون الحـرد للخيـل بسبـاس = لاتلشـن شقـر الـشـوارب نخـنـي
نفسـي تشـوم التدلبـح مـع السـاس = ولا عاش منهو عـن خصيمـه يكنـي
ومن شيدو زبنه على ضيد وضـراس = ليـا نسـيـت رسومـهـم ذكـرنـي
ياعم انا لي طلبـت الـراس بالـراس = يا عم شـوف رسومهـم مـا محنـي
لو صرت انا المقلاع ماشلت الأضراس = والمـوس مـا يقطـع بليـا مسـنـي
ويصار ما ربعك على الراي جـلاس = وجنحـان طيـران السعـد يلفحـنـي
تصيـر دومـن للصقاقيـر مــدواس = مثـل الـذي يسمـع صفيـر المغنـي
والله يـا لـولا بـكـرة يا بـو نـواس = حبه سكن بالقصـي الضمايـر مكنـي
ولله لوهـي ماتبينـي فــلا بــاس = لا شـك خبثـان النفـوس طـردنـي
وانا احمد اللي خالـق كـل الأنفـاس = وجعل وساع القـاع مـا فيـه منـي
دارن بـدار ولا منحـات الأنـجـاس = ياصـار مـا يمنـاك عينـك تقـنـي
فـي بلـدة الغرار مـع جملة الـنـاس = ولاني بمن يرجـي الخلايـق تحنـي
دارن بها الأكرام والطيب لـه سـاس = دايـم تذكـرنـي ليـالـن مضـنـي
هـــــــذا ولك مني ولجميع الإخوان كل تحية وتقدير واحتراااااااااااااااااااااام