السلام عليكم
ومساكم الله بالخير
اخوكم ابوعبدالله من الرياض مشترك جديد في الموقع وهذي اول مشاركه اذا سمحتولي ودي اشارك في الموضوع لانه شدني الحقيقه
اولا انا متفاجئ ان فيه مزاين لسبيع اول مره اعرف هالشي ومتى بدا وليش ماسمعنا عنه وهذا يلام عليه ابناء القبيله شوفوا مزاين عتيبه شلون حضروا له وانتم تعرفون سبب تغيب الناس عن مزاينكم
ثانيا لا اظن ان احد من آل سعود حفظهم الله يجحد فضل سبيع عليه وانا سمعت بنفسي الامير شقران رحمه الله وعنده الامير سلمان بن عبدالعزيز يقول سبيع اقرب لنا من اي قبيله وحنا اهل العارض من قديم الزمان قبل يحكمون آل سعود بينا وبين سبيع عهود ومواثيق وفعلا التاريخ يشهد على صدق كلام الامير لم اجد قبيله ساهمت في بناء وحماية هذه الدوله وكانت على طول الخط مع قادة التوحيد مثل سبيع وحتى شعراء القبيله كانوا يذودون عن دولة التوحيد وهل ينسى التاريخ الشيخ عجران وغيره من ابناء الغلبا تاريخ موب انا اللي بيعلمكم فيه لكن ذكر فإن الذكرى تنفع المؤمنين والله اني مستاء جدا ان مزاين سبيع مر كذا مرور الكرام المفروض يكون مميز عن غيره وخصوص ان القبيله تملك افضل ابل وتاريخها العريق يفوق تاريخ كثير من اللي سوو مزاينات صرفوا عليها ملايين العوض انشالله السنه الجايه بس ليت شيوخ القبيله ورجالها يجتمعون مثل باقي القبائل اللي سوت مزايانات ويتحدون جميعا لاقامة مزاين يليق بالغلبا وتاريخها العريق لان المزاينات يا اخوان ماهيب بس سباقات لاهل الذود هي الآن مهرجان كبير يظهر تاريخ القبيله ومكانتها في العصر السابق والعصر الحاضر وهذي فرصه لا نعرف هل تتكرر لانكم تعرفون الحمله الشرسه على المزاينات وماندري لو الحكومه تمنع هالمزاينات وتقصرها فقط على مزاين ام رقيبه
ولكم اطيب تحيه