السلام عليكم ورحمة الله وبركاته
أعضاء ومشرفين منتداي الغالي هذه قصيدة طالت أعماركم جزلة ويملؤها الحزن والتوجد للشاعر الكبير ( راعي مرات ) عبدالرحمن بن عبدالله المجلي السبيعي
وأتمنى أن تروق لذائقتكم :
آه أنـا وآسفـابـي طـحـت كلـي جميـع
مـا أمهلتـني الليـالـي ليـن أحقـق مـناي
..
أحسـب العمـر واقـف وأثـر ركضـه سـريـع
مـومـيـات الليـالـي قضـبـتـنـي عـصـاي
..
فـي حـراج المصـايـب قمـت أحـرج وأبيـع
مـرخـص كـل ما أمـلك لـوهـو غـالي شـراي
..
إن ضحكنـا بكيـنـا وإن عصينـا نطـيـع
ضاعـت العشـر وحـدة عقـب زمـة صبـاي
..
لاغشـى القلـب غـاشي الـروابـع تضيـع
أفتـكـر فالـسنيـن الـي تـعـدت وراي
..
أمحـل العمـر وأقفـر عقـب هـاك الربيـع
وآحسـايف شبـابي غـاب وأظلـم سمـاي
..
مـن وثـق في زمـانـه أشهـد أنـه صديـع
هـذي جـورات بقعـى قصـرت لـي خطـاي
الشاعر (راعي مرات ) :- عبدالرحمن بن عبدالله المجلي السبيعي
صح لسانك يابو عبدالله والله يطول في عمرك ويسعدك دنيا وآخرة