منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
نعنبو رجلا ليا قلت تكفى عنك مال
قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هاض بالى وستطفق هاجس أفكاري وجال = لين عمت وغصت في غبة البحر العميق
من بنات الفكر ناخذ عن الهزل الجزال= قوم يا نائم من النوم واسمعني وافيق
العرب قالو ترى به ثلاث من الهبال= الحضيض اللي من الموت ينقذ له غريق
ما غبطت أهل الدراهم ولأراع الحلال=يا عسى نفسي بربي لها حبلا وثيق
يابن مشعي يا خويي عرفت من ألليال= حق أخويه وابن عمي ومقدار الرفيق
الليالي مدرسه جامعيه لرجال=كل شخصا عاش فيها بمنهاج وطريق
نعنبو رجلا ليا قلت تكفى عنك مال= وأنت لجله تجبر النفس فوق اللي تطيق
ماتغير لين ركب الرشأ فوق المحال= فوق حملي سدي أبداه مع كل الفريق
بس أنا خابرك حرٍ لياهدوه صال= لاظرب مخلابه الدم شلالآ دفيق
ياوسيع العرف مالي على الصبر أحتمال= لاتعاتب من سواتي من الدنيا يضيق
مرحبا برسالةٍ نصها أصفى من زلال=خطها عايش بحكمة وتفكيرٍ عميق
من جهل مضمونها قال نسجٍ من خيال=ومن عرفها حلق أب جو معناها تحليق
الزمن غير الزمن والحمول إلها جمال=لا تحمل حملك اللي الحملة ما يطيق
يا ولد جضعان نجهد ولله الكمال=الكمال ألواحدٍ لا لغيرة ما يليق
فيه ناسٍ لو فنو ذكرهم يبقى مثال=مثل ما يبقى جبل طي وجبال العقيق
الترمس تالي الوقت جت مثل الدلال=والدلال أقفة وقفا بها ألماض السحيق
يا وسيع العرف بين المحرم والحلال=من سكن وسط الحساء كيف يجهل في بقيق
الجنوبي لو غلط مدرسة لهل الشمال=وشمالي لو غلط يستفيد أبو عتيق
أنت تدري بالإجابة قبل تبدى السؤال=تعرف أن الماء أليا ريق يا بوزيد ريق
أعتنزبي وقت ما يصكها جالٍ الجال=لو تجاوز راعي العرف يعطيها الحيق
غير متصل
