المشاعر هي مداد أقلامنا
0000000 لو تجف أقلامنا وين الشعور ؟!
مالقينا بالزحام حروفنا
0000000 وما لقتنا في مساحات السطور!
أنت وأنا والجميع وكلنا
0000000 النجاسة طاهرة ولا طهور ؟!
الغلط وين الغلط يا وقتنا ؟
0000000 فيك أو منّا الخطايا والشرور؟!
كيف نعرف البكا من الدندنا؟
0000000 والوجوه بأقنعة تلغي العبور!
وصلت الأصباغ حتى قلوبنا !
0000000 هذا أسود .. هذا مخلوطٍ بنور !
ليه ذاتك تجلد بسوط الأنا ؟
0000000 كل فرحة داخلك تجلب حبور!!
لو ضحكت الخاتمة لازم عنا!!
0000000 والدواير محكمة فيها ندور!!
ما سمعنا لو هي مرة عن هنا
0000000ما تغير من تصاريف الدهور !!
الفقر يصبح مثل سفح الغنى
0000000 الفوارق تختفي وسط القبور !!
الأمل والموت من فيهم دنا ؟
0000000 لاحترق فينا العمر مثل البخور!!
نرتجي التخليد في دار الفنا
0000000 والأجل ياما قطف منّا زهور !!!
يااااااااه ياذا الوقت غرتنا المُنى
0000000 ظالمين وندعي جهل الأمور
دااااايما مظلوم والظالم هنا !!
0000000 داخل الشريان كامن بالصدور!!
يا مشاعر لو تجف أقلامنا
0000000 مايجف العفو من رب غفور
غير متصل
