هذه القصيده شارك بها عدة شعراء من القبيله في أحد مجالس المنتديات
وفيها فخر وتعد من اجمل ماسمعت من قصائد فخر في القبيله
حنا سبيع اهـل الوفـاء والكرامـة *** ميقاقنا يجلي غبـن كـل مغبـون
واهل الكرم والطيب واهل الشهامة *** حنا هل الفزعات وابليـس ملعـون
وحنا هـل الغلبـا وهـذي علامـه *** لهل الشجاعة والمخاليـق يـدرون
الله جعلـنـا للمـعـادي كعـامـه *** وفعولنا تبري حشا كـل محـزون
من خلقـت الدينـا ليـوم القيامـ *** هذروة سنام المجد لسبيع مضمـون
العز ربعـي ماخذيـن(ن) سنامـه *** اكبار ولا صغـار بالعـز يمشـون
راس السبيعي يعتلـي كـل هامـه ***للجـار فـي وللمعاديـن طاعـون
عدونـا عيـت تشيلـه عضامـه *** لاشاف فعل ايماننا في ضحى الكون
اهل البشوت الي تضـف الزعامـه ***زبن الضعيف الي زبن يرجي العون
كل الملوك اللـي بقصـر اليمامـة *** بالشكر للغلبـاء الغوالـب يدينـون
الطيـب كلـه ماخذيـنٍ وسـامـه *** نعط الرقاب ونكرم اللي يضيفـون
سبعان مانمشـي بـدرب الرخامـه *** ولاندفع الجزيه على من يحكمـون
حنا هل الـردات والعشـر شامـه *** من فعلنـا كـل القبايـل يهابـون
لا ثـارت الهيجـا وزاد احتدامـه *** رجالنا يوفي عن النـاس مليـون
الحد واضح مـن تبـوك لتهامـه *** هذا الصحيح وقولو اللي تقولـون
اهل الثلاث البيض واهل الجهامـه *** يومن ذا جايـع وهـاذاك مغبـون
خذنا شداد الطيـب قبـل المسامـه *** يوم القبايل بين طاحـن ومطحـون
يوم ان بعض الناس فعلـه كلامـه ***افعالنا بالرمح والسيـف مسنـون
صغيرنا من يـوم يلبـس عمامـه *** يجي كريم وطيب الـراس دنـدون
شلفا جري وخيول الادغم سلامـه *** والجذع من ينصاه سالـم ومنـون
وقبرالصيفي يـوم فـك الجهامـه *** فعلٍ عليه شهود والنـاس يـدرون
تشهد به اهل الشعر واهل الفهامـه *** راكان وابن حميد تركي وابن عون
جندينا بالحـرب مـو ت وسقامـه *** يضرب بسيفه بالمعاديـن مجنـون
وحنا هل الردات سـاس القرامـه *** والعزوه العرفا جمعة كـل دنـدون
نـارد إذا هـاب المـوارد حيامـهم *** اهي سواليـفٍ تعـوّد إلـى دون
اقولها ما أخشـى عليهـا ملآمـه *** والشاهد اللي ثبت البيـت بركـون
اهل الكرم والطيب وبـل الغمامـه *** ولا كبرت القاله جو الناس يشكون
عدونـا... مايهتنـي فـي منامـه *** تقول ممسـوس تلاعبـه جنـون
جف المداد ونـش صافـي كلامـه *** في مدح ربعي علهـم مايهونـون
صح السنتهم الشعر ا التاليه أسمائهم/ مفرح بن بداح / عبدالعزيز الحمد / محمد القويماني
هاجد بن صنيدح / عبدالعزيز بن ناصر / ماجد بن نعيم / محمد بن نعيم / حسن العامري
غير متصل
حنا سبيع اهـل الوفـاء والكرامـة
