منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
صباح العيد
قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
أهلل وأكبر وأذكر الله مع التوحيد=ياعيدي صباح العيد ياعيد وشلونك
ذكرتك وأنا أمشي راجعٍ من مصلى العيد=وألا واهني اللي بعيدك يشوفونك
أنا شوفتي لك مستحيله لاصرت بعيد=ولا فيه وصل إلا بنمرة تليفونك
ياعذب السجايا يالطيف الحشا والجيد=حرام إن يمر العيد ما أناظر عيونك
عزاي أتخيل مبسمك وأذكره وأعيد=أعيد الشريط اللي خذا الصبر من دونك
على طيفك أصحي بعض الأحيان بالتنهيد=ضميري وفكري من غيابك ينادونك
ياليتك تجاوب من يناديك كان أزيد=ياعيدي صباح العيد ياعيد وشلونك
غير متصل
