اضهري يانجوم وذعذعي ياهبوب

[ابن جمل]

اضهري يانجوم وذعذعي يا هبوب = فرب الوسم والليله صفى لونها
اعذل القلب مير القلب عيا يتوب = والليالي تقلب ماعرف شونها

[سعد ربعه]

صح لسانك يابن جمل ، وإن كان الدعوى محاورة تراني في صفك

الليييييييييييييييل

[عبداللهHالقريشي]

يانجوم السماء ماكل نجم(ن) ينوب = والخلايق مماشيها على هونها
قرب الوسم ونسناس من كل صوب = والقلوب الشقيه كثرت أشطونها

[ابو سعود 99]

ابن جمل والقريشي صح السنتكم على هذه البداية وكنا نتمنى بأن يطول الطاروق

[ابن جمل]

المشاركة الأصلية كتبت بواسطة عبداللهHالقريشي

يانجوم السماء ماكل نجم(ن) ينوب = والخلايق مماشيها على هونها
قرب الوسم ونسناس من كل صوب = والقلوب الشقيه كثرت أشطونها

احكمي بيننا قدام وفت الغروب = فلت كلمه وقالو غير مضمونها
ارفع الصوت لاهبت هبوب الجنوب = والتخيل غضات العرق وأغصونها

[جبر الغبيشان]

كلام جميل وبيض الله وجيهكم

[عبداللهHالقريشي]

قلت أنا سهيل نجماً يالعميل أمحسوب = لاتحكم نجوم اليل في كونها
وأطلب الله براقٍ بجوف النصوب =تروي الارض لامن هلت أمزونها

[عبداللهHالقريشي]

ابن جمل أنت شاعر مميز الله يعطيك العافيه
الخوان الغالين نشرهم على مرورهم وتشجيعهم
الله يعطيهم العافيه جميعاً
جبر الغبيشان
سعد ربعه\شد حيلك ياسعد ربعه
ابو سعود99
لاهنتو الله يعافيكم
تقبلوا تحيات
عبدالله القريشي

[ابن جمل]

الشاعر عبد الله القريشي ألف صح لسانك ،،
عز الله متمكن شاعر مبدع تستحق
الاشاده وبيض الله وجيهك
سجل اعجابي بما قرأت
وننظر المزيد من الأبداع .




ياهلابكم مرحبا ومليون سهلا
تشرفنا بمروركم جميعاااا

يا الغالين

[ابـــن مهـــراس]

شعراء جزلين وفالكم الناموس