المجد قصيدة مدح في سبيع الغلبا

[عبدالله الذعيفي]

توجدت لكن مانفعني عظيم الوجـــد
ولاينفع المشتاق كثر التوجـــــــــــادي

انا في الحجاز وديرتي في علاوي نجد
عليها واهلها الشوق في القلب يزدادي

ديار غلاها باجد وسط كبدي بجــــــــــــد
احــــــب القرى والظلع والعرق والوادي

اهلها هل الطالات واهل الكرم والمــجد
لهم في سنام المجــــــد منزل وميعادي

وســــام الشجاعه والكرم والوفا ان وجد
فهو مع ســـــبيع اللي يضدون الاضدادي

لسطواتهم تسجد كبار الاشاوس سجد
لياجــــــــــــــــــا نهار فيه غارات وطرادي

ياكم من عدو صبح وكم من عدو هجــد
يسجونه الغـــــــــــــــلبا صباح ومهجادي

يجي للاصايل فوق رؤس الاعادي رجد
وتذكر فعايلهم على روس الاشـــــهادي


عبدالله مثيب الذعيفي الصندلي[/COLOR][/SIZE]

[جزل الكلام]

بيض الله وجهك ياعبدالله الذعيفي على هذه القصيده الرائعه وهذا ليس بغريب عليك فأنت دايم مبدع أتمنى لك مزيدٍ من التقدم وإلى الأمام ياالذعيفي

[عبدالله الذعيفي]

اشكرك على مرورك اخوي جزل الكلام ولاهنت

[فاهم النظرة]

صح لسانك يا عبد الله الذعيفي قصيده في منتهى الجزاله والعذوبه واختيار المفردات تكشف الشاعريه الفذه تحياتي لك رعاك الله

[عبدالله الذعيفي]

صح بدنك يافاهم النظره ولاعليك زود

[إبراهيم سعد]

صح لسانك وبيض الله وجهك
قصيده جزله ابدعت ياعبدالله
تقبل مروري و تقديري

[عبدالله الذعيفي]

صح بدنك ولاهنت يابراهيم تحياتي لك