في جـــــــنـــــــة الــفــــــــــــردوس

[الحميدي السويدي]

بسم الله الرحمن الرحيم
قصيدة رثاء في المرحوم بذن الله تعالى / سعود بن هادي السويدي السبيعي .. رحمه الله
(( في جنّة الفردوس ))

	يا لله يا للي كل مسلم ترجاه= يا لواحد المعبود محصي بشرها يا خالق ابن آدم وتعلم خفاياه= تعلم خفا الأمّة وتكشف أسررها يا غافر ٍ للعبد ما كان سوّاه= بأمرك تكفّر سيئة وأتْغفرها أغفر لقرم ٍ تفعل الجود يمناه= قرم ٍ يمينه بالوفاء ما قصرها قرم ٍ كريم ٍ كاملاتٍ مزاياه= له سفرةٍ تندى وكلن ذكرها له مجلس ٍ مفتوح والناس تنصاه= تنصاه عربان ٍ أبعيدٍ أديرها بيته لضيفانه وربعه ومن جاه= يلقى السمان اللي ينومس خبرها ويلقى الدلال اللي على الجمر مركاه= والعود الأزرق قيمته ما ذخرها حر ٍ بناء في قمة المجد مبناه= له سمعةٍ بالطيب كلن نشرها سعود سِعْد اللي من الضيم ينخاه= له فزعةٍ كل الرجال أتخبرها له فزعةٍ تبهج أكبودٍ تحرّاه= لا ضاعت الحيله وقلت بصرها سعود ابن هادي عسى الخُلد ما واه= في جنّة الفردوس يقطف ثمرها في جنة الفردوس والحور ملفاه= في روضةٍ يطرب لها من نظرها وعسى العوض فيه الحرار المضراه= اللي على فعل الجمائل ومرها وصلاة ربي عد نو ٍ نثر ماه= على شفيع الخلق صفوة بشرها

الشاعر / الحميدي بن سعد السبيعي

[خالد بن عياش]

آمين آمين آمين


صح لسانك مليون يالحميدي والله يرحم ابو هادي ويسكنه في فسيح جناته


( ياسعود ابن هادي حدا قلبي الشين + اضحك وفي كبدي ثمانين عله )


الله يرحمه ويعوضنا في عياله بالخير

[الحميدي السويدي]

الاخ الفاضل خالد بن عياش

الله يقبل دعاك ويرحم سعود ابن هادي

وجميع موتى المسلمين وصح بدنك يالقرم

والله لايهينك ومرورك أسعدني كثيراً

وتقبل تحياتي,,,,,,,

[فارس رنيه]

صح لسانك يابو سعد والله يرحم ابو هادي ويسكنه فسيح جناته ويصلح عياله

[قوي الشكيمه]

الشاعر الكبير \ الحميدي السبيعي بيض الله وجهك على القصيده الطيبه والله يرحم من مات
ويسكنه فسيح الجنات في اعلي الفردوس انا شا الله ,

[ولد عزوان]

صح لســــــــــــــــانك وبيض الله وجهك
والله يرحم ابو هادي ويسكنه جناته

محبك

ولد عزوان

[الحميدي السويدي]

الاخ / فارس رنيه

صح بدنك والله يقبل دعاك ويرحم

سعود وجميع موتى المسلمين

والله لايهينك على مرورك العذب

وتقبل تحياتي,,,,,,,,

[الحميدي السويدي]

[QUOTE=topstars9]الشاعر الكبير \ الحميدي السبيعي بيض الله وجهك على القصيده الطيبه والله يرحم من مات
ويسكنه فسيح الجنات في اعلي الفردوس انا شا الله ,[/QUOTE


topstars9
صح بدنك والله لايهينك على مرورك

العذب وتقبل تحياتي ,,,,,,,,,,,,

[الحميدي السويدي]

الاخ // ولد عزوان صح بدنك ووجهك أبيض

ومشكور على مرورك العطر والله يقبل

دعاك ويرحم جميع موتى المسلمين

وتقبل تحياتي,,,,,,,,,,,,