منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذه اول مشاركة لي معكم بالشعر
وحبيت اطرح لكم هالقصيده اللي اتمنى ما تبخلون علي بالنقد فيها
وتقبلوا شكري
..
.
.
.
الحزن همه هم واسبابه اسباب = والصبر في بعض المواقف غنيمه
اخير من دمعاً تبلل به اهداب = رحالة(ن) من عقب ماهي مقيمه
يا صاحبي لاصارو اقرابك اجناب = لا تضعف الهقوات وترخي العزيمّه
ولا صار غيرك ما يحسب لك حساب = وهرجك على كبده مرار وسقيمه
فالداب ما ينفع ولا شجرة الداب = البعد في شجرته وبعده غنيمة
خلك مع اللي لا قسى الوقت ما أرتاب = حتى ولو دار الزمن به جحيمه
اللي هقاوي الجد في أبوه ما خاب = وخاله خصيم أهل الفعول الذميمة
صقر على الهدات للطِيب كسّاب = ونمر بكفه لا بطش هي عديمة
له هيبة تصعب على عصم الاشناب = ومزبن خصيم يشتكي من خصيمه
هذا هو اللي خوته راس مرقاب = اللي رقى للمرجله من صميمه
قلته وانا من لابة خصمها شاب = كم من خصيم ينعتنه حريمه
يوم المنايا سحب رجايها غاب = حنا قنتنا خيالها يهل ديمه
سبعان من جمر اللواهيب شباب = أهل السيوف الساطيات السميمه
غلبا ولا نغلب ولا عاش كذاب = أفعالنا بين القبايل عظيمه
ياللي قفلة ابواب لا تفتح ابواب = دامك بتالي القوم حسبت رميمه
هقواتنا هي هدت الصقر يا غراب = ياللي فقدت من المراجل حشيمه
سدك قصير إحسانك ترده أعتاب = وعظمك هشام وتداحم أهل الغنيمة
صغيرنا في وردة الموت سبّاب = زيزوم قوم في المواجه صتيمه
صغير سن وازن لعقل شيّاب = يجزع عن المنقود واشداد ريمه
ما نقصّ بباقي القبايل لنا اصحاب = نقص(ن) بتاريخ الخلايق ظليمه
اقولها من عارض الذكر لاطاب = سويدي بدع له فكرة المدح قيمه
الاخ سفير الجود صح لسانك وبيص الله وجهك
وارجوا ان تقبل نقدي ولو لم تطلب منا النقد ما نقدنا ولاكن من اخذ رايك دخل في ذمتك
الملاحظات
القصيدة على العموم جزله ومعناها اجزل اما القصيدة بنقصها سلاسه في المفردات وهناك اخطاء أملائيه
كمثال هذا البيت
وتقبل تحياتي
صقر على الهـدات للطِيـب كسّـاب=ونمر بكفه لا بطـش هـي عديمـة
غير متصل
