نوٍ ثقيل راسيٍ
استغاثة شعرية يكتبها الشاعر عبدالهادي بن راجس في الربيع والامطار ووصف الطبيعة ووصف الابل واستطاع ان ينقلك من المدينة الى حيث المرابع في الدهنا والصمان بقوله :
[poet font="Tahoma,5,darkblue,normal,normal" bkcolor="transparent" bkimage="backgrounds/23.gif" border="ridge,4,seagreen" type=2 line=200% align=center use=ex length=0 char="" num="0,black" filter=""]
عديت مرقاب طويل وعملاق = رجم طويل يبرح الخد شاهوق
رجم يوسع خاطري كل ما ضاق = من عقب مشرافي بسميه مرزوق
عساه نون يزعج السيل دفاق = ماهوب من عجل المعاصير مرفوق
نوٍ ثقيل راسين له تفهاق = سيله على روس الغراميل مدفوق
يسوقه الغربي ولاهوب ينساق = ويرده الشرقي ولوكان مسيوق
مافيه رعاد ولا فيه براق = بلا يهل من الهماليل برفوق
عقبه تشوف النبت كله بألاوراق = مدهم ويكسي عاري الخد من فوق
وليامضا عشرن وعشرن على ساق = تشوف في بعض الدواوير زملوق
يفرح به اللي فيه يرعاه بنياق = واللي يبيله سجة مع هل النوق
ياماحلى والعشب غادن به ارناق = صوت ام سالم بين عاشق ومعشوق
وشوف البيوت اللي بها قاطع ارواق = في صيهد ماشيه ماهوب مرهوق
لاجاالضحى من عقب حزات الأشراق = تجمعو والبن يحمس ومدقوق
في ربعة يوجد بها كل الارزاق = يجيبهااللي جاره الله من العوق
وياما حلى شوف الدبش عقب الاطلاق = ماردد الطياح والحشو مفهوق
تلد له صفراًتمايح بالاشناق = صفراًكسوها بالمراير مع الطوق
صفراًخذت زين المغاتير واعماق = ماوقفوها عند ابو ذيب بالسوق
وصى عليها اللي كريم بالانفاق = بالبذل مامثله مع الناس مخلوق
وعيا قليل الفودمايصخي الناق = ويقول لو حطولي الطاق مطبوق
ابغى ليامن حطوا العالم سباق = اكون انا السابق ولانيب مسبوق
ذي منوة اللي للمظاهير يشتاق = يتبع هواه وتالي العمر ملحوق
[/poet]
غير متصل
