قصيدة محمد بن علي آل فليج مع جيبه

[المتقصي]

قصيدة للشاعر محمد بن علي آل فليج العريني السبيعي:

ياجيب وش ذالمصايـب =عرضتنـي للنصـايـب
وانا شريتـك غصايـب =من دون كرت استمـاره
بنـاشـرك بهذلتـنـي =في راس مالـي كلتنـي
وليـا زعلـت عذلتنـي =تقـول جـدد غـيـاره
والشاص يرقل ويومـي =لى صرت وسط الحزومـي
ولاهوب يقضي لزومـي =إلـى نويـت المـغـاره
الجيب سيـدك وعمـك =وهو الذي شـال همـك
وشعاد لوشـرب جمـك =يطفي لهيـب الحـراره
اوصلـك شـيً يـروع =لوجـاه غيـري يـزوع
وفـي عيشتـي متلـوع =وكلـن تريـح بــداره
بس انت مـا تحترمنـي =رح للمعارض وسمنـي
حسبي على الي حرمني =من ماقـف وسـط داره
مـادام هـاذا مــردك =والله لسومـك واحـدك
وامسح على الأرض خدك =ملفـاك ملفـا خسـاره
امسيـت راعـي تفاهـم =يـوم وصلـن الدراهـم
الله يبـعـد مـداهــم =نـاس تحـب القشـاره
انـكـان ودك اتـوبـي =لـزوم تصبـغ جنوبـي
والا تحـمـل ذنـوبـي =شـيً مهـوب العيـاره
واروح بـك للضلوعـي =في كل شهر وسبوعـي
لو انت لكس وخليجـي =واللون فاتـح وبيجـي
والكرت بسـم الفليجـي =في وسط درج الغمـاره
انكان احبـك واحشمـك =واحب راسـك وخشمـك
واغليك واغيـر اسمـك =من الجيب لبـو سمـاره
والبـقـك فالظـلالـي =واعـدك اغـلا حلالـي
لـكــن ياهـمـلالـي =طبعـك تحـب النكـاره
انتـا تصيـح وتبـكـا =وعند الجماعـه تشكـا
مامنـك صـده وفـكـا =ابشتـكـي لـلأمــاره
واقول ذالشخص ظالـم =لمقـارع الشـر والــم
وانـا حديـد مسـالـم =شربـت منـه المـراره
وشفيك يالجيب الاشهب =مالـك ديانـه ومذهـب
قـدام للجيـب تنـهـب =ابحـرقـك فالـزبـاره
وادخل مجـال السعـاده =لى صـرت كنـك رمـاده
القلـب حقـق مــراده =لى ولعـت فيـك نــاره
خف مـن الـه البريـه =قـدام تـوقـد علـيـه
ذنـب كبيـر وخطـيـه =الجيـب خـربـت داره
النـار مـا تـحـرق الا =وحـدً عـن الديـن ولا
كلامـنـا صـــح والا =انشـد شيـوخ المنـاره
وكانك صملتـا تبيعـي =لا تبيعـنـي للسبيـعـي
ان شلحونـي بظيـعـي =كل قطعهً وسـط حـاره
وابنتهـي فـي حياتـي =من قبل مكتب وصاتـي
وتصير شينـه وفاتـي =خذ ركعتيـن استخـاره
صليـت ركعـه وركعـه =وقررت ابيعـك بسبعـه
من يوم حيـرت فكـريا =بجلبـك عنـد فـكـري
راعي معارض وخكـري =وتعيش عيشـة خكـاره
وانساك وانسا علومـك =وتروح عنـي همومـك
ولاعاد فالعمر اسومـك =لو الثمـن ربـع بـاره
انـا موافـق علـى ذي =مـدام جالـي مــلاذي
الله يسـلـم مـعـاذي =الـي كتبلـي قــراره
يـوم انقلونـي لغيـرك =عطني مقفـى ظهيـرك
فارق وعجـل مسيـرك =واحـذر تعيـد الزيـاره
يا خايـن العهـد الاول =وشفيك هرجـك تحـول
أول علـيـه تـعــول =يـارابـيً فـالـغـداره
انا اعتـرف بالهزيمـه =مـادام مالـي عزيمـه
نلقـاك يابـو حليـمـه =الوقت يخلـف مسـاره

[فـــالح السبيعي]

المتقصي


مشكور على نقل هذه الرااائعه


وصح لسااان الشاعر محمد بن علي آل فليج العريني السبيعي

ونتمنى له التوفيق

[ناصر المديري]

صح لسان الشاعر محمد ال فليج السبيعي وفاله الفوز في قصيدة التحدي ..

تحياتي