رد : جناب حضرة سعادة ( عبد العال ) بقلم :محمد سنجر
كُتب : [ 20 - 01 - 2008 ]
جوه الملعب
أنا بتكلم أهو وبأكد
إني كلامي
عن أحوالي
جوه الملعب
مش براه
لأ جواه
إوعى يا عبد العاطي يا خويا
إوعى في يوم يجي حد يقولك تقصد إيه
إوعى يجيلك عبد العال
و تلاقي شرار باين في عينيه
يجي يقولك
حكايتك إيه بالظبط معايا
تقصد إيه بالواد كوباية
إوعى تقوله عن فرقتنا
إوعى تقوله حاجة يا عاطي عن خطتنا
مين الجون
مين ها يدافع و الا هجوم
و مدربنا من البرازيل
و الا سوداني من الخرطوم
إوعى يا خويا يا عبد العاطي
اوعى تطاطي
و لو ضربوك
اوعى تطاطي
خليك راجل زي أبوك
إوعى تطاطي
و لو ماقدرتش تمسك نفسك
و ناوي يا عبد العاطي تطاطي
لو ها تطاطي
يا عبد العاطي
لأنك واطي
إوعى تعلم ابنك
برضه يطاطي
إوعى تعلم ابنك
برضه يطاطي
إوعى تعلم ابنك
برضه يطاطي
|