منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
لارحت عنك احس باني لك اشتاق = شوق الضرير لشوفة ابوه وأمه
اليا دخلت بعالمك جاني ارهاق = ثم اتنعنش مع خيالك واضمه
اتوه في حبك و اكتب بالأوراق = طلاسم فيها ثلاثين قمه
لو شافها كاهن وجارالها فاق = من غفلته في هدم بنيان الأمه
يا حبني لك يا قمر كل الأفاق = نورك يقدي مهجتي في المهمه
يا عشقتي زاد الغلا فيك وانساق = حتى دخلتي بين قلبي ودمه
حبك على قلبي يهدد بالأحراق = واخاف لامن ذاب محد يلمه
انتي رجاي ونور عيني بالأشفاق = اخايلك واتبع رذاذك واشمه
بيني وبين انفاسك اعناد واسباق = تشفي مرار ومر حالي تسمه
ارحم ترى الرحمه تبي عطف واعتاق = ولا تبي سجن طويل متمه
غير متصل
