ابل بعصاها للبيع

[سبيعي عنصري]

السلام عليكم ورحمة الله وبركاته وبعد:
كيف الحال يالربع
عندي 50 من المجاهيم ووايت سكس موديل 80 وخيميتين ومعها عمالها
الابل شاركت في مزاين سبيع ولا حصلت على مراكز متقدمه لاكن هذا لايلغي من جماليتها والنياق طيبه وتراني صافطه مصفوطيه لاهل المنتدى وربعي سبيع واحوالها طيبه ونفوسها اطيب وكان ودي ارفقلكم بعض الصور لاكن ماعرف ارفق الصورة يليت من يعرف يعلمني بالنسبه للوايت موترن موظبه عند ورشة العتيبي قبل اسبوع وصحته جيده ولو انه يعاني من انفصام في الشخصيه لانه قد قرطله في حصاه ومن عقبها جاء معه خفه وابتسامه في الراس لاكن الحبل مايخلي شئ


للاستفسار الرجاء يراسلني على الخاص للجادين فقط

[ابن جعوان]

: أخي : سبيعي عنصري: بارك الله فيك :

اولا . ياهلابك وشرفتنا اخي سبيعي عنصري والله يربحك فيها ويرزقك

ثانيا.ابشر انا ابساعدك على نشر الصور وعلمك كيف الطريقه ولايهمك يابن العم
اتصل فيني ماسنجر

تقبل مروري لاهنت

أخـوك

أبن جعوان

[عوض السبيعي]

الله يرزق اخوي سبيعي وطمنا عن حالة الوايت

[ابومحمد11]

تبيع الوايت لحاله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابيه ان كانك بتبيعه مهما كانت حالته هههههههههه مقرط في حصاه والا مقرط فيك انت كله واحد

اما اابلك الله يستر عليها بس ؟؟؟؟؟؟؟؟ انتبه عليها من القار لاياكلها وتحملك انفس

عليك بالمقصب يامال الشحم خل خرد المصري القصاب يجدل فيها هههههههههههههههههه

تحياتي لك ياراعي الابل ههههههههههههههههههههه

[الحميدي محمد الفراعنه]

ودها للجنادريه


الله يربحك

[ابن مغتر]

الله يرزق اخوي سبيعي

[سبيعي عنصري]

مشكورين على الردود التي اثلجت صدور مراح الابل
بالنسبه لابو محمد11

بيني وبينك ابلي جتها عين فيها عشر صدف والسبب ماهو مرض مره وهي سارحه اعترضتها على موتر رجال جايني يتقهوا عندي وموتري بنشر واستعجلت وخذيت موتره واثر الابنص فيه تعليق وانا مدري ويم قمت اسوقها مال الشر طاري ودست البنزيم وهو يلصق الابنص ولاتلفيت الوضع الاقد طلع مع ذنبها فوق العشر ثنتين صادهن الكفر والباقيه مافيهن اللي تقف على الاصول الاوحدة قامت ولامشيتها شينه تقول ترقص ومن عقبها صدت الانظار عسى الله يرزقني بالنخاله المسممه والا البيع مثل حلم ابليس في الجنه

[خالد الشماسي]

هلا بك يا عنصري



الظاهر منت بايعها من يوم ذي هروجك



وكان لك نيه دور لها فحل زين ... وبعها خلفات



تحياتي لك

[ابومحمد11]

المشاركة الأصلية كتبت بواسطة سبيعي عنصري

مشكورين على الردود التي اثلجت صدور مراح الابل
بالنسبه لابو محمد11

بيني وبينك ابلي جتها عين فيها عشر صدف والسبب ماهو مرض مره وهي سارحه اعترضتها على موتر رجال جايني يتقهوا عندي وموتري بنشر واستعجلت وخذيت موتره واثر الابنص فيه تعليق وانا مدري ويم قمت اسوقها مال الشر طاري ودست البنزيم وهو يلصق الابنص ولاتلفيت الوضع الاقد طلع مع ذنبها فوق العشر ثنتين صادهن الكفر والباقيه مافيهن اللي تقف على الاصول الاوحدة قامت ولامشيتها شينه تقول ترقص ومن عقبها صدت الانظار عسى الله يرزقني بالنخاله المسممه والا البيع مثل حلم ابليس في الجنه

النخاله المسممه راحت وخذو الرياجيل التثمين وخلصواااا

ماعاد يمديك خخخخخخخخخ

المقصب مافيه غيره هههههههههه

اما كلام اخونا خالد الشماسي يوم يقول دور لك فحل زين خخخخخخخخخخخخ

انشدني ياخالد والله ماينفع فيها شي وحتى البعير الزين لاشافها مايضربها هههههههههههههه

لاشافها فدر


تحياتي للجميع