السلام عليكم ورحمة الله وبركاته ..
الف الف الف مبروووك لأخواننا العراقيين بهذا الفوز [[ المستحق ]] على زعيم اسيا المنتخب السعودي ..
ماراح اتكلم عن المباراه بس بتكلم عن اللي حصل بعد المباراه في مدينة ميونخ الالمانيه واللي معروف بأنه يتواجد فيها جاليه عراقيه كبيره ..
بعد مانتهت المباراه .. ارتديت مثل ماهي العاده تي شيرت المنتخب السعودي وطلعت للمارين بلاتز [ اشهر منطقه ] .. قلت بروح اشوف احتفالات العراقيين [[ وبهنيهم ]] ..!!
رحت للمارين .. وشفت في البدايه اطفال سعوديين معاهم الاعلام .. ومع عوايلهم طبعاً .. طلعت لـ حد النافوره الشهيره اللي بآخر المارين بلاتز .. حصلت فوق 300 عراقي يحتفلون ويرقصون ويشكشكون .. قلت خلني اوقف واتفرج ..!! جاني حوالي 5 اماراتيين وقالوا لي .. يابو سعود امشي من هنا مانبي مشاكل !! قلتله وش دعوى انا جاي اتفرج بس !! قالي والله قبل شوي سعودي مثلك جاي يتفرج ولابس تي شيرت الاخضر ..مسكوه العراقيين وضربوه ويرددون وهابي وهابي !!!!!!!!!
واحنا اللي فكيناه منهم .. والان شوف الشرطه كيف ملت المكان ..!!
قلت اللي ضربوه هذولي متخلفين عقلياً والله لايهينكم انا جاي اتفرج وابن امه احد يمد يده ...!!
جلست اتفرج على الجماهير .. ووصلوا رابطه عراقيه ثانيه !! ومعاهم اعلام غريبه !! اعتقد انها اعلام كردستان !! المهم واحد منهم رفع علم السعوديه .. ورماه على النافوره !! تخيلوا ياشباب علم لا اله الا الله محمد رسول الله .. يرمونه في النافوره .. رحت انا وخذت العلم ..!! وقلت اللي رمى هالعلم ................ !! مالها داعي اكتب الكلمه ..!!
طبعا الشرطه متواجده وبكثره .. سحبوني من بين الجماهير العراقيه .. وجت وحده عراقيه عمرها فوق الـ 50 سنه وقامت تصرخ .. انتممممممممممم هيييييه وينها المرجله !!
هذا بوش عايث [[ اعتقد تبي تقول عابث !! ]] في بلدنا مثل مايريد.. ولا احد منكم تحجى عليه !! وين مرجلتكم وين !!
هذي هي المرجله تحتفل وترقص النور [[ اعتقد النور يعني الغجر !! ]]
طبعا كل اللي كانوا يحتفلون وقفوا يسمعون كلام الحرمه هذي ..!!
بعد كذا قالت آآآآه يامصيبة قلبي ااااه وترمون الشهاده بيديكمممممممممممممم ماتخافون من ربكممممم
طبعا الحرمه كانت تبكي ومشت .. بعدها هدوووء لمدة 10 ثواني .. ورجعوا يرقصون من جديد ..!!
واحد من الاخوان الكويتيين جاني وقال سلمات !! فيك شي يالغالي اشوفك موقف مع الشرطه .. قلتله لا والله بس حصلت علم السعوديه رامينه العراقيين في النافوره وسحبت العلم .. والشرطه تحسبني بضربهم فـ سحبتني من بينهم عشان ماتحصل مشكله ..
قام الكويتي التفت لهم .. وقال [[ السعودي تاج على راس العرب .. واللي مايرضى يطق راسه بالطوفه ]] !!
طبعا اثنين من العراقين تكلموا مع الشرطه بالالماني .. واعتقد جالسين يقولون لهم هذا يستفزنا ..!!
فـ جت الشرطه وخذت الحبيب وحطوه جنبي هههههههههههههههههههههه .. قام يتكلم معنا الماني .. قلناله تكلم انجليزي ..!!
قام قالنا لو سمحتوا انتم سعوديين وروحوا لـ اواتيلاتكم لأن هنا بتصير عليكم مشكله لو بقيتوا ..!!
قال الكويتي انا مو سعودي .. بس مارضى احد يرمي علم السعوديه لان هذا رمز ديني مو رمز خاص ببلد معين ..!! قام الشرطي وتكلم مع العراقيين قالهم شجعوا مثل ماتبون بس ماتمسون اي علم ثاني ..!!
بعد كذا الشرطه قالوا لي خلاص انت هديت !! قلتلهم انا هادي من زمان .. قالوا طيب خلاص امش الان بس روح لم جهة الاوتيل حقك .. لاتروح لم جهة النافوره !!
قلت اوكي .. طبعا معاند بس .. خذت علم السعوديه وحطيته على كتفي مع انه مو علمي !! .. والكويتي الله يسلمه مع اني والله لا اعرفه ولا يعرفني ..!! واول مره اشوفه .. جا هو واخوياه ووقفوا معاي .. وجالسين يرددون ..
سعودي كويتي واحد .. والـ ............ !! قلتلهم شباب هدو هدو ..مانبي مشاكل .. خلونا نروح نتغدى بس .. وننسى المشكله :)
وانا راجع للاوتيل ياشباب .. حصلت اثنين اكراد .. معهم العلم الغريب اللي قلتلكم عنه ..!!
قالوا لي مبروووك مبروووك ..!!
قلتلهم مبروووك على ايش ؟؟
قالوا على المباراه .. قلت اي مباراه .. قالوا النهائي .. قلت اي نهائي ..!! قالوا اللي فازت فيه العراق على السعوديه ..!! قلتله اها .. اللي السعوديه ماخذتها ثلاث مرات ؟ والعراق اول مره تاخذها ؟؟
قال ايووه .. احنا الان اسياد اسيا ..!! قلتله اسياد البطحاء اها بس .. تستاهلون البطوله لكن حدك عاد على الاسياد :)
ويالله حبيبي فرصه سعيده وهذي زكاتنا وصلتكم ..
طبعا قام يشتم ..:) فـ رد عليه الكويتي بـ كلام يوجع القلب والله هههههههههههههههه ...
آخ بس الله يصلح حالنا ياعرب :)
حبيت اشارككم باللي حصل اليوم
--------------------------------------------------------------------------------
غير متصل
للأسف انكم عرب
رد : للأسف انكم عرب
