منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ألا يا وجودي من هبوب الشمالية=تلاعب جروح الكبد وتسعر لهايبها
تقلّب على قلبي مكاتيب ماضيه=بعد ما كفلها الوقت وغطا كتايبها
انا ما عرفت ان الهوى في الهواويه=جروحن تشالت والا زادت عطايبها
وانا ما سلى قلبي عن اللي جرى ليه=اصدد واعاين الا قدمي ركايبها
تغفل عيوني دمعها وما بقى فيه=من الصبر مَدفع به لجايج نشايبها
اشيل الرجل عن درب حبي وطاريه=وادوج بدنيا مَجذبتها عجايبها
واعدي عصير فوق روس الخلاويه=عسى مغرب الايام يغرّب عنايْــبها
وأشوف الملا هجع وعيني شقاويه=بعد ما هجرها النوم ومن هي سبايبها
والى سكرت عني هبوب الشماليه= تخلوى بي همي ما درى عن هبايبها
اركب وجودي له على وزن وقافيه=واغني طواريق الحزن من شقايـْبها
هذاك انت عارف يا نمر ما جرى ليه=صروف الدهر والحظ زادوا عقايبها
علي من وجود الحب شامه وماريه=وعيني من الفرقا تسير سحايبها
غير متصل
