منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
مشيت ومعي من خلق الله الي ياصل العشرين =مابين الوان مختلفه وجنسيات مختلفات
علـى النـقل الجـماعـي والـدريـول وارد افـلبيــن =اخذ بين الرياض ورنيه الفيحاء عشر ساعات
توجـه خـمس من رنيه ووصل الموقـفه ثنتـين =ونزلـنا قبـــل لايـوقـف وحرمته انا بالـذات
حـلـفت اني ماعـوده بعد رحـلة لـيلة الاثنــين =وهـذي عـيفتـني فـيه لاكــن ابـرك الحـزات
الا يانـعـنبوه اسمـه مـعـرقل سيرة المـاشـيـن =والا يامخبلك يلي عليه بتقضي الحاجات
تقول انـها علـى ايعازات مـيلاته يسار ايمـين =وتقول انه يدرهم كل مايقبل على اللفات
وانا لاشـفـت سواقــه تقـول انا مـعـه لاجيـن =مغـير ايعـدنا فـي كـل وقفه له عـشر مـرات
عرفت ان ماعليه ايحد حظن يالنشامـى زيـن =وهذي سيرة النقل الجماعي مختصر الابيات
التعديل الأخير تم بواسطة ناصر المحمدي ; 23 - 02 - 2009 الساعة 23:17
سبب آخر: تنسيق اوضح
مهما يجيك من الخطأ من رفيقك................حاول تغاضي والخطأ لا يجي منك
ترى رفيقك لو وقف في طريقك................مثل الرصيد ان قل وان زاد بالبنك
وأعرف عدوك قبل تعرف صديقك................ومن لا يحس بضيقتك ما درى عنك
ولا تأيد المخطي لو أنه شقيقك................وش عذرك من اللي عن أيسرك وأيمنك
ربعي رجالن تعقد الحبل وتحله=لاد الحميدي تضد الخصم من ضاري
وسبيع من طيبها تعنز على السله=تاريخهم ما يغره كاتب وقاري
وفعول كل القبايل مابها خله=كلن بطيبه خذ الناموس ويماري
ربعي رجالن تعقد الحبل وتحله=لاد الحميدي تضد الخصم من ضاري
وسبيع من طيبها تعنز على السله=تاريخهم ما يغره كاتب وقاري
وفعول كل القبايل مابها خله=كلن بطيبه خذ الناموس ويماري
غير متصل
