تبقى العقال اللي مكانه على الراس

[ولد الكعبان]

هذي المرثيه في الوالد ناصر بن عبدالله ال منيف الكعبي رحمه الله وطيب الله ثراه

تبقى العقال اللي مكانه على الراس

البـارحـه مـاطـاب لــي نــوم ونـعـاس

ودمعـي تهامـل فــوق خــدي سكـايـب

وامسيت أحوم بخاطري ألف هوجاس

وغربانـهـا فـوقـي تـحــوم المـصـايـب

عليـك يامـن واســود اللـيـل عـرمـاس

حتـى القمـر مـن حزنهـا اليـوم غايـب

وانا شربت المر كاس(ن) ورى كاس

يـلـهـد تـقــول الحنـظـلـه كـبــد ذايـــب

ناصـر يابـن عـبـدالله الفـكـر محـتـاس

فـي علـم موتـك بيـن خايـب وصـايـب

أحيان أصـدق موتـك وحيـن بحسـاس

أقــول نـاصـر حـــي والـعـلـم خـايــب

والله يالولا الموت حق(ن) على الناس

لاقـول عنـك شــارب الـمـوت عـايـب

لولـسـت يـامــوت المعـالـيـق لـــولاس

وأشعـلـة مـابـيـن الـضـلـوع اللهايـــب

وكسرت ظهري كسرة الغصن بالفاس

يـومـك نهـبـت الـعـود نـاصـر نهـايـب

غبـنـي يـابـن عـبـدالله الـيـوم عـمــاس

عـلـيـك روح(ن) ماعمـسـهـا نـوايــب

ابكيـك أنـا والصـدر مخنـوق الانفـاس

مـن ضيقتـي ضاقـت علـي الرحـايـب

ويبكيك مجلس كـان لـك فيـه مجـلاس

بـيـن الـرجـال إلـلـي تـفــك النـشـايـب

ويبكي عليك السيف والرمح والطـاس

والخيـل يانـاصـر وعــوص النجـايـب

وفنجال ودلال(ن) ياناصـر ومحمـاس

تبكـي علـيـك ونـجـر ينـحـب نحـايـب

أقبـلـت كـلـك مرجـلـه وانــت قـرنـاس

واقفـيـت فيـهـا كـلـهـا وانـــت شـايــب

الجـود لبسـك وانــت بالـجـود ملـبـاس

وزيـــزوم لادارت رحـــاة الـحـرايـب

مرحـوم يامـن كـنـت لطـيـب نـبـراس

والـيــوم قـبــرك تعـتـلـيـه الـنـصـايـب

أقفـيـت واقـبـل مـنـك الـوقـت بـفــلاس

فـي دنيـة(ن) عقبـك عساهـا خـرايـب

عـلـيـك كـنــي بـتـوجـد أبـــو دبــــاس

عـــودن عـزيــز وذاق ذل الـقـرايــب

وإلا خلوج(ن) ضاع مابين الأطعـاس

عنـهـا ولـدهـا حـيـن تـــرد الـركـايـب

يـالــيــت والله مـاللأعمار مــقــيــاس

وإلا يالـيـت العـمـر يـوهــب وهـايــب

واوهبـك عمـري لـو أنـا مـت لابــاس

الـبـاس مـوتـك ياعطـيـب الـضـرايـب

كــم فـيـك للكعـبـان يـالـعـود نـومــاس

وكـــم قـــوم مـنــك ودهـــا بـنـسـايـب

تبقى العقال إللـي مكانـه علـى الـراس

مـيـت وحـــي ومـالــك الـيــوم نـايــب

ويالله يـامـن حـيــن الأريـــاق يـبــاس

تسقـي مـن الكـوثـر ظـمـا كــل تـايـب

تجعلـه آمــن تـحـت قـبـره بــلا بــاس

ومـن رحمتـك تنشـي عليـه السحـايـب

وصلاة ربي عد حـرف(ن) بقرطـاس

عـلـى النـبـي وعــداد هــب الهـبـايـب

الشـــاعر - ناصــر بـن قضيع الكعبــي

[الشاهق]

ولد كعبان
لك افتخاري وتقديري
والله لايهينك على النقل
والقصيده فعلا مؤثره
والله يرحم الميت ويغفرله
اتمنى ان تقبل اعجابي
اخوك الشاهق

[ولد الكعبان]

وانا ابدالك بنفس الشعور يالشاهق

ولاهان من قال يالذيب

الله يرحمه ويرحم جميع موتى المسلمين

مرورك على الموضوع وتعليقك عليه اكبر فخر لي يالشاهق

اخوك

ولد الكعبان