مجالس اليوم معظمها هذا عيبـه = تحصـل الغيبـه أولهـا وتاليهـا
كُتب : [ 02 - 06 - 2009 ]
يقول من هاجسه للخيـر ينحيبـه=ومشاعر الشعر طايعتـه قوافيهـا
لاصار في النصح مايبخل بترتيبه=يفتل سمان البيوت ويجتهد فيهـا
لاوفـق الله واجابتنـي هناديبـه=أصخر بيوته على كيفي وانقيهـا
لو كان نتعب على نظمه وتركيبـه=من لاتعـب للفوائـد مايضويهـا
هذا وأنا ودي أركز علـى الغيبـه=هي أخطر آفه مجالسنـا تعانيهـا
اليوم شوف المجالس ويش تحكيبه=الغيبه اللـي كفانـا الله بلاويهـا
كم مجلس ٍِ لاجلسنا فيه نوحيبـه=افلان وافلان تذكر لـك مساويهـا
مجالس اليوم معظمها هذا عيبـه=تحصـل الغيبـه أولهـا وتاليهـا
واللي مايغتاب تلقى من عذاريبـه=أذنه اليا سولف المغتاب يصغيهـا
ذنبٍِ عظيـم تجاهلنـا عواقيبـه=معاد ننكر على الغيبـه وراعيهـا
اللي لسانه على الاعراض يوميبه=ويوصف الناس قاصيها ودانيهـا
يشوف عيب العرب مافتش بجيبه=ولا يحصـل بنفسـه مايكفيـهـا
عز الله انها مصيبه واعظم مصيبه=ياللي تسولف بها متهاون ٍِ فيهـا
تجاهل الحكم فيها وانـت تدريبـه=أعظم لذنبك ياسامعهـا وحاكيهـا
فالحكم لايدخلك شـك ٍِ ولا ريبـه=أقرا الحجـرات وتدبـر معانيهـا
الشاعر/براهيم سعد المجامعه السبيعي
قالـوا تعلمـت قلـت عنادوفراسـه=أعانـد النفـس والدنياواصارعـهـا
ودرست في مدرسـة من شيبـت راسـه=دنيا العنا اللـي قصيفـات مطامعهـا
تلميذهـا دايـماً تكتـب بقرطـاسـه=وتعطيـه جملـة دروس مايضيعـهـا
والله عطانا نظـر وشعـور حساسـه=ناخذ علوم المعرفه مـن مراجعهـا.
ونساير الوقـت ونقيسـه بمقياسـه=ونواجه النفـس بالواقـع ونقنعهـا
غير متصل
مجالس اليوم معظمها هذا عيبـه = تحصـل الغيبـه أولهـا وتاليهـا
