أتقدم لكم بهذه القصيده لشاعر مثيب بن فهاد السبيعي من شعراء الجهوم البارزين في مجال النظم حيث أبدع الشاعر في هذه القصيده ويقول :ـ
البارحه بانت لي وجيه وجيه = وعرفت منهو لا بغيته نصيته
أنشهد إن الوقت بين بخافيه=ياليت مابين بخافيه ليته
من أول بأغلا المثامين شاريه =واليوم ما أبغا خوته مابغيته
من بادل الطيب بطيبه يلاقيه = هذا مثل وإلي تقدم لقيته
إن كان طيب حظ منهو مسويه= وإن كان غيره بالردى ماجزيته
ولا أعامل أضعيف العرب بالذي فيه= وتصير محسوبه في درب(ن)خطيته
أبعد ولا يلحقني نقد ومشاريه= ويالله يامحلاك درب(ن) مشيته
الحر حر (ن) والأشاره تكفيه= مايخلف الهقوات به لاهقيته
يفهم كلامي قبل ما أنطق وأحاكيه= ويعرف مرادي والهدف لا رميته
هذاك أبو فيصل عريبه مجانيه= هو الذي في وقتي إلي جنيته
لي الفخر وأفخر ليا حل طاريه= وعماس راسي ينجلي لانخيته
بيته على رؤس المراقيب بانيه=عمي بروحي دون روحه فديته
غير متصل
